Luca 11:49 - Tachi Ak'õre Pedea

⁴⁹ Mãɨ k'orea Tachi Ak'õrepa ichi k'ɨ̃risiadepa nãɨya jarasima: “Mɨ pari pedeapataɨrã mãɨnepa mɨa peedarã sida mãra israel ĩjũanepemarãmá wãpiipɨ. Mãɨne chi eda waapẽarã peadaipɨ mãɨnepa chi eda waapẽarã ẽp'ẽnaipɨ”.

Luca 11:49 Σταυροειδείς Αναφορές

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

1 Corintio 1:24

Maamina Tachi Ak'õrepa judiorã mãɨnepa judiorãwẽ t'ɨ̃sima Cristodepa k'aripai k'orea. Mãɨrãpa k'awa p'anɨma Tachi Ak'õrepa Cristodepa ichi jua chaarea mãɨnepa k'ɨ̃risiat'a unupisit'a.

Hecho 22:20

Chi pɨ k'orea pedea bɨ Esteban peasidaɨde mɨ sida arí basima. Ichi peautat'a mɨa pia unusima. Mãɨ awara ãchi neet'á ɨ̃rɨ jɨ̃pataɨ mɨa ak'ɨ basima”.

Hecho 8:3

Mãɨne Saulopa Jesude ĩjãapataɨrã piawẽa oopachima waa ĩjãapidaemaapa. Techa wãk'ari ɨmɨk'ĩrarã mãɨnepa wẽrarã sida jitak'oak'ari chi jɨ̃a nɨbɨpataɨ temá jidibari ateewãpachima.

Hecho 7:57

Mãɨ ũrisidaɨde ãchi minachia bia tuaneenak'ari ãchi k'ɨɨrɨ juapa jɨ̃anak'ari mãɨne ãarea ichi ɨ̃rɨ cheepɨrɨsidama.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Mateo 22:6

Waapẽarãpa chi minachia k'awa bɨ mimiapataɨrã jitadak'ari jok'aedak'ari peasidama.

Hecho 11:27

Mãɨ ewaride Tachi Ak'õre pari pedeapataɨrã Jerusalenepa Antioquiadea wãsidama.

Apocalipsi 16:6

Ãchia pɨ ẽpẽerã mãɨnepa chi pɨ pari pedeapataɨrã oa ãripisidama. Mãɨpuru idi pɨa ãchiá oa topimaa bɨma ãchia nemietá oodada jĩra».

Apocalipsi 18:20

¡Jõma pajãne be arapaat'ɨ jãɨ p'uuru jõna pẽra! Ẽpẽerã Tachi Ak'õreneerã, Jesupa peedaɨrã mãɨnepa Tachi Ak'õre pari pedeapataɨrã arapaat'ɨ. Tachi Ak'õrepa jãɨ p'uuru ɨtɨasima, mãra piawẽa ooda pẽra».