Luca 1:65 - Tachi Ak'õre Pedea

⁶⁵ Jõma ãchi k'ait'apemarãpa mãɨ k'orea ũrisidaɨde Tachi Ak'õre wap'ea p'anɨpa jõma Judea tua eya pará bɨde nepɨrɨpachidama.

Luca 1:65 Σταυροειδείς Αναφορές

Mateo 2:1

Jesú Belén p'uurude Judea tuade t'õside Herode chi Minachia K'awa bɨ apataɨ chi poro jũra jɨ̃parí jɨ̃ bɨ pasima. Mãɨ ewaride minachia k'awa berã ɨmata ochiaparidepa chesidama Jerusalén p'uurudea. Mãɨrãpa k'ãk'ãi ak'ɨ p'anɨnepa ne k'awapachidama.

Luca 1:39

Mãɨya bak'ari María isapea Elisabé p'uurudea wãsima. Mãɨ p'uuru Judea ĩjũa eya pará bɨde bɨma.

Luca 2:18

Chi oveja ak'ɨpataɨrãpa jara p'anɨ ũrisidaɨde jõmãɨrãpa mãɨ k'orea k'awa k'ɨ̃risiadawẽa p'aneesidama.

Luca 5:26

Mãɨ unusidaɨde ãareaɨrãpa k'awa k'ɨ̃risiadaé pasima. Mãɨpuru Tachi Ak'õre k'orea minachia pia jarasidama. Tachi Ak'õre wap'eadepa jarasidama: —¡Idi piarã ẽpẽrarãpa ne p'ue oodak'apɨ́ ne waibɨa unusidama!

Luca 7:16

Mãɨpuru chi arí p'anɨrã minachia p'erasidama. Jõmãɨrãpa Tachi Ak'õrea nãɨya pia jarasidama: —Piarã Tachi Ak'õre pari pedeaparí chi atepe bɨt'a tachi t'ãena chesima. Tachi Ak'õrepa ichi p'uuru k'aripade che bɨma.

Hecho 19:17

Ãarea Ep'esode berã judiorãpa mãɨnepa griegorãpa mãɨ k'awasidaɨde ne wap'easidama. Mãɨne Tachi Chipari Jesú t'ɨ̃ k'orea pia pedeasidama.

Hecho 2:43

Chi Jesupa peedaɨrãpa ẽpẽerãpa ne p'ue oodak'apɨ́ minachia oopachidama. Mãɨ k'orea ãareaɨrãpa Tachi Ak'õre minachia wap'easidama.

Hecho 5:11

Mãɨpuru ũpẽarã mãɨnepa ãarea chi mãɨ ũrinana ne wap'easidama.

Hecho 5:5

Mãɨ ũriside Anania jeeda baewãk'ari, piusima. Chi mãɨyana ũrinaanarãpa minachia wap'easidama.

Apocalipsi 11:11

Maamina ewari k'ak'o ũpea ya estarik'a pak'ari Tachi Ak'õrepa ãchi k'ĩrapapisima. Chi k'ĩrapamaa p'anɨ ununaanapa minachia p'erasidama.