Juan 9:39 - Tachi Ak'õre Pedea

³⁹ Mãɨne Jesupa jarasima: —Mɨ nãɨ ĩjũanea chesima ẽpẽerã nepɨra ak'ɨi k'orea. Mãɨya chi tau p'ãrio be jĩra bepa ununaipɨ mãɨnepa chi unu p'anɨane a p'anɨ tau p'ãrio be jĩra p'aneenaipɨ.

Juan 9:39 Σταυροειδείς Αναφορές

Mateo 11:5

Tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chupuria k'edea chi pedea pia Tachi Ak'õrepa ãchi k'aripai k'orea ũri p'anɨma.

Mateo 15:14

Mãɨpuru p'ariseorã k'orea k'ɨ̃risiarãt'ɨ. Ãchi tau p'ãrio be jĩra p'anɨma. Tau p'ãrio bɨpa abaɨ tau p'ãrio bɨa o jarateasira, umea uriade baewãnaipɨ.

Mateo 6:23

Maamina pɨ tau mietá bɨpɨra, ne k'achiade wãrune p'ue unuwẽa baipɨ. Ara mãɨ jĩra pɨa nemietá oo bɨpɨra, nepia ooyade a jara bɨmina, pɨ piarã p'ãrione nima.

Luca 1:79

Mãɨpa chi p'ãrione berã́, mãɨnepa chi piudai wap'ea berã́ Tachi Ak'õrepa ichi ɨnaa k'awapiipɨ. Ichiaba tachiá k'awapiipɨ sãmaasã́ ichi ode ne k'ɨ̃risiawẽa nipadai k'orea».

Luca 13:30

Mãɨya chi k'aadea p'anɨ naa p'ananaipɨ mãɨnepa chi naa p'anɨ k'aadea p'ananaipɨ.

Luca 2:34

Mãɨne Simeónpa ãchiá pia jarak'ari Mariá nãɨya jarasima: —Tachi Ak'õrepa nãɨ warra teasima israeldepemarã chok'araɨrã pia bɨmẽrá mãɨnepa ichiaba chok'araɨrã piawẽa bɨyá. K'awapiipɨ ichi Tachi Ak'õrenepa che bɨt'a, maamina ichi k'orea k'achia pedeadaipɨ.

Luca 4:18

«Tachi Ak'õre Jaore mɨ ome bɨma. Ichia mɨ jɨrɨ atasima chi nenea k'edea jaramẽrá Tachi Ak'õrepa ãchi k'aripait'a. Ichia mɨ peesima chi k'ɨ̃risia pará, sõp'ua be sõpiapik'oamẽrá, chi jita uadaadaɨrã ãchi k'ẽet'aapii jaramẽrá, tau p'ãrio be unupimẽrá, chĩara jua chaareade mĩa be pia bɨk'oamẽrá mãɨnepa jaramẽrá nãɨ ewaride Tachi Chiparipa ẽpẽrarã pia ooit'a».

Luca 7:21

Ara mãɨ ewaride Jesupa k'ak'ua piawẽa be, jaore mietá pará be, tau p'ãrio be sida chok'ará jɨpa beepik'oa basima.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Juan 12:46

Mɨ nãɨ ĩjũanea ɨnaa bɨ jĩra che bɨma chi mɨne ĩjãauta p'ãrione p'ananaemaapa.

Juan 3:17

Tachi Ak'õrepa ichi Warra nãɨ ĩjũanea peé pasima ẽpẽerã nepɨra pará p'anɨane amẽrá mãɨpari peesima k'aripamẽrá.

Juan 3:19

»Tachi Ak'õrepa nãɨ ĩjũanepemarã nepɨra pará p'anɨane aparima nãɨ k'orea: chi ɨnaa bɨ nãɨ ĩjũane chesima ãareaɨrãpa Tachi Ak'õre ununamẽrá. Maamina ẽpẽerãpa k'achia oopata pẽra p'ãriot'a k'ɨ̃riasidama.

Juan 8:12

Mãɨya nak'ari Jesupa ẽpẽerã́ mãicha jarasima: —Mɨ nãɨ ĩjũanepemarã pae ɨnaa bɨ jĩra bɨma. Parituapa mɨ k'aade wãipɨra p'ãrione nipaiwẽma, mãɨpari ɨnaane bɨ pẽra chok'ae baipɨ.

Juan 8:15

Mãrapa nãɨ ĩjũanepema k'ɨ̃risiadepa mɨ ak'ɨ p'anɨma. Mɨa aba pida mãra jĩra mãɨya ak'ɨk'ama.

Juan 9:25

Tau p'ãrio badapa jarasima: —Mɨa atua bɨma ichia nemietá ooparit'a wa ook'apɨ́. Abapuru k'awa bɨma mɨ tau p'ãrio basit'a maamina naapae unu bɨt'a.

2 Corintio 2:16

Chi atuadai p'anɨrãmá, mãɨ k'era ẽpẽra piuda mik'ia jĩra bɨma, Jesude ĩjãanawẽa p'anɨnepa piudai pẽra. Maamina chi k'aripai p'anɨrãmá, mãɨ k'era minachia p'iumá bɨma, ewaricha chok'ae p'ananai pẽra. Mãɨya, ¿k'aipa ara ichi jua chaareadepa Tachi Ak'õre pedea p'ue jarateaima?

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

2 Tesalonicense 2:10

Ne wawaria nemietá oo bɨdepa ẽpẽrarã t'ɨpɨ uruadea wãnai p'anɨ seaipɨ. Ãchia chi piarã pedea k'ɨ̃rianak'a pẽra Tachi Ak'õrepa k'aripaiwẽma.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Juan 2:11

Maamina chi ichi ũpẽa unuemaa uru bɨ p'ãrione bɨma. P'ãrione nipapari pẽra atua bɨma sãmá wãit'a, mãɨ p'ãriopa ichi tau p'ãrio uru bɨ pẽra.