Juan 9:30 - Tachi Ak'õre Pedea

³⁰ Mãɨne tau p'ãrio badapa jarasima: —¿K'ãre k'orea mãrapa ichi sãmapemat'a atua p'anɨane a p'anɨma? ¿Ichia mɨ tau jɨpa beepié pasik'ãra?

Juan 9:30 Σταυροειδείς Αναφορές

Mateo 11:5

Tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chupuria k'edea chi pedea pia Tachi Ak'õrepa ãchi k'aripai k'orea ũri p'anɨma.

Mateo 21:42

Mãɨne Jesupa ãchiá jarasima: —Ara mãɨya Tachi Ak'õrepa mãra k'aepẽra ẽpẽrarã awaraɨrãt'u ichi juade ua baipɨ. Mãɨrãpuru ichia k'ɨ̃ria bɨ oodaipɨ. Mãrapa ¿Tachi Ak'õre pedea eda jaradawẽk'ãra? Nãɨya jara bɨma: “Chi te oopataɨrãpa mawara amaanana pada, mãɨ mawara chi atepe piipará beesima. Nãɨ Tachi Chiparipa mãɨya ooda pẽra tachimá minachia pia beesima”.

Marco 6:6

Ichi p'uurudepemarãpa ĩjãanaé pada pẽra Jesupa k'awa k'ɨ̃risiawẽa beesima. Jesupa p'uuru chak'e becha jaratea wãsima.

Luca 7:22

Mãɨpuru Jesupa ãchiá nãɨya p'anoosima: —Mãrapa unu p'anɨ mãɨnepa ũri p'anɨ Juaná nepɨrɨde wãt'ɨ: tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chichupuria k'edea chi Tachi Ak'õrepa ãchi k'aripai k'orea pedea ũri p'anɨma.

Juan 12:37

Jesupa ẽpẽerãpa ne p'ue oodak'apɨ́ chok'ará ẽpẽerã k'ĩrari oodamina ãchia waidi ĩjãanawẽa p'anasidama.

Juan 3:10

Jesupa p'anoosima: —Pɨ Israeldepemarã́ Tachi Ak'õre pedea jarateaparí chi minachia k'awa bɨmina ¿mãɨ atua bɨk'ãra?

Juan 9:29

Taipa k'awa p'anɨma Tachi Ak'õrepa Moisea pedeasit'a, maamina jãɨ ẽpẽra sãmapemat'a atua p'anɨma.

Juan 9:31

Tachia k'awa p'anɨma nemietá oopataɨrãpa idiuta Tachi Ak'õrepa pia ũrik'at'a. Mãɨ awara k'awa p'anɨma parituapa Tachi Ak'õre wap'ea bɨpɨra mãɨnepa ichia k'ɨ̃ria bɨt'a oo bɨpɨra, chi mãɨpa idirut'a Tachi Ak'õrepa pia ũriparit'a.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.