Juan 9:29 - Tachi Ak'õre Pedea

²⁹ Taipa k'awa p'anɨma Tachi Ak'õrepa Moisea pedeasit'a, maamina jãɨ ẽpẽra sãmapemat'a atua p'anɨma.

Juan 9:29 Σταυροειδείς Αναφορές

Mateo 12:24

Maamina ãchia mãɨya jara p'anɨ p'ariseorãpa ũrisidama. Mãɨrãpa jarasidama: «Jãɨ ẽpẽrapa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».

Mateo 26:61

Mãɨrãpa jarasidama: —Nãɨ ẽpẽrapa jarasima: “Mɨa Tachi Ak'õre te minachia bɨ p'ue ãarea ãrik'ari, ewari ũpeaɨde mãicha ooyade asima”.

Luca 23:2

Maapae Pilato k'ĩrari Jesú nãɨya nepɨra pará bɨade a para beesima: —Taipa ũrisidama nãɨ ẽpẽrapa tai p'uuru k'ĩruupik'apii jĩra bɨt'a. Ichimá, taipa chi Romanepema chi atepe poro chaarea bɨ pae erreara k'oarapataɨ p'aai pia bɨwẽma. Mãɨ awara jara bɨma ichi chi Tachi Ak'õrepa Tachi K'aripaparí teai jaradapɨ. Mãɨpa ichi jõmãɨrã minachia k'awa bɨade a bɨma.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Juan 7:27

Maamina tachia k'awa p'anɨma ichi sãmapemat'a. Tachi Ak'õrepa Tachi K'aripaparí teai jarada cherude mi ãpia pida k'awadaiwẽma ichi sãmãɨpa cherut'a».

Juan 7:28

Mãɨne Jesupa Tachi Ak'õre te tuda jaratea bɨde jĩk'ua jarasima: —Piarã mãrapa mɨ unupatama mãɨnepa sãmapemat'a k'awa p'anɨma. Maamina mɨ ara mɨchidepa chewẽa bɨma, mãɨpari mɨ chi piarã jaraparipa mɨ peesima. Mãrapa ichi k'awadawẽa p'anɨma.

Juan 8:14

Jesupa jarasima: —Ara mɨchi k'orea pedea bɨmina mɨa jara bɨ piarãpɨ. Mɨa k'awa bɨma mɨ sãmãɨpa chesit'a mãɨnepa sãmá mãicha wãit'a. Maamina mãrapa mãɨ atua p'anɨma.

Juan 9:16

Chi waapẽarã p'ariseorãpa jarasidama: «Mãɨ ẽpẽra Tachi Ak'õrenepa chewẽa bɨma, mimianak'apɨ́ ewaride chi tachia ne oodaiwẽa p'anɨne mãɨya ooda pẽra». Maamina waapẽarãpa jarasidama: «¿Sãmaasã́ nemietá ooparí ẽpẽrapa mãɨ ẽpẽerãpa ne p'ue oodak'apɨ́ p'ue oosima?» Mãɨya ara ãchi paara ne wawaria pedea p'aneesidama.

Juan 9:24

Mãɨpuru judiorã chi mãɨrã chaarearãpa chi tau p'ãrio badá mãicha t'ɨ̃nak'ari jarasidama: —Tachi Ak'õre k'ĩrari taiyá jãɨ ẽpẽra k'orea piarã jarase. Taipa k'awa p'anɨma ichi nemietá ooparipɨ.

Juan 9:30

Mãɨne tau p'ãrio badapa jarasima: —¿K'ãre k'orea mãrapa ichi sãmapemat'a atua p'anɨane a p'anɨma? ¿Ichia mɨ tau jɨpa beepié pasik'ãra?

Hecho 22:22

Pablopa jara bɨt'a judiorãpa k'ĩup'ea ũri tuanasidama. Maamina Tachi Chiparipa ichi judiorãwẽmá peeyade aside jĩk'ua jara tuaneesidama: «¡Jãɨ ẽpẽra chok'ae bai pia bɨwẽma! ¡Peat'ɨ!»

Hecho 26:22

Maamina Tachi Ak'õrepa mãɨ ewaridepa mɨ k'aripa bɨ pẽra mɨa chi minachia k'awa p'anɨa mãɨnepa chi minachia k'awawẽa p'anɨa wapida Jesú k'orea pedea bɨma. Tachi Ak'õre pari pedeapataɨrãpa mãɨnepa Moisepa k'ãre baeit'a jarasidama. Mãɨt'a mɨa jara bɨma.

Hecho 7:35

»Israel ĩjũanepemarãpa Moisé itu bɨsidama. Ichiá nãɨya jarasidama: “¿K'aipa pɨ tai chipari bɨsima? ¿K'aipa pɨ tai nepɨra ak'ɨparí bɨsima?” Maamina ara mãɨ Moisé Tachi Ak'õrepa Egitodea peesima israel ĩjũanepemarã chi minachia k'awa bɨ bamẽrá mãɨnepa ãchi mãmãɨpa ateewãmẽrá. Moisepa Tachi Ak'õrepa ɨt'aripa peeda chi mãɨ pak'uru jeeda bɨde bada jua chaareadepa mãɨya oosima.

Hebreo 1:1

Naenaena Tachi Ak'õrepa tachi chõarãenapemarã́ bari k'ak'o minachia wawariadepa pedeapachima. Chi ichi pari pedeapataɨrãnepa mãɨya oosima.

Hebreo 1:2

Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.