Juan 8:32 - Tachi Ak'õre Pedea

³² Mɨnepa mãrapa Tachi Ak'õre piarã k'awadaipɨ. Mãɨpa mãra chipari pae pari mimiaparí beada pari ãjã́ p'ananaipɨ.

Juan 8:32 Σταυροειδείς Αναφορές

Mateo 11:29

Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 16:13

Maamina Tachi Ak'õre Jaorepa piarã pedea k'awapipari pẽra ichi cherude mãrá jarateaipɨ chi piarã pedea Tachi Ak'õrenepa che bɨt'a jõma k'awadamẽrá. Ichi ara ichi k'ɨ̃risiadepa pedeawẽma, mãɨpari ãarea mɨnepa ũri bɨt'a jaraipɨ. Ichia mãrá k'awapiipɨ mãɨ sãait'a.

Juan 17:17

Pɨ pedeapa pɨ piarã k'awapi bɨma. Mãɨpa ãchi aba pɨ pae pia bɨse.

Juan 6:45

Tachi Ak'õre pari pedeapataɨrã k'art'ade nãɨya jara bɨma: “Tachi Ak'õrepa ãareaɨrã́ jarateaipɨ”. Mãɨya chi mɨ Ak'õre pedea ũrik'ari ichidepa k'awak'ari mɨne ĩjãane cheipɨ.

Juan 7:17

Chi Tachi Ak'õrepa k'ɨ̃ria bɨt'a ooi k'orea bɨpa k'awaipɨ chi mɨa jaratea bɨt'a Tachi Ak'õrenepa cherut'a wa mɨa mɨchi k'ɨ̃risiadepa jaratea bɨt'a.

Juan 8:36

Mãɨpuru Tachi Ak'õre Warrapa mãra ãjã́ pari bɨipɨra, piarã pari ãjã́ p'aneenaipɨ.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

1 Corintio 7:22

Chi Tachi Ak'õrepa t'ɨ̃na chipari pae pari mimiaparí, Tachi Chiparipa nemietaadepema k'aripasima, ichi pae ne oo bamẽrá. Mãɨne chi Tachi Ak'õrepa t'ɨ̃na ara ichi chipari pae pari mimiapariwẽt'a, naapae Cristo pae pari mimiaparipɨ.

Gálata 5:1

Cristopa tachi k'aripasima mãɨ pari ãjã́ p'ananamẽrá. Mãɨ minachia ĩjãa p'anat'ɨ. Chi chipari pae pari mimiapataɨrã jĩra mãicha p'anarãt'ɨ.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

2 Timoteo 3:7

Mãɨ wẽerã ewaricha ne k'awapodo p'anɨma, maamina chi piarã pedea p'ue k'awadak'ama.

Santiago 1:25

Maamina abaɨpa Tachi Ak'õre pedea ũrik'ari k'ɨ̃risia atuawẽpɨra, minachia pia baipɨ. Ẽpẽrapa mãɨ pedea jĩp'a bɨ mãɨnepa tachi k'aripa bɨ ewaricha pia k'ɨ̃risiak'ari maapae oo baipɨra, ichia oo bɨdepa minachia pia baipɨ.

Santiago 2:12

Jĩrak'aua pedeat'ɨ mãɨnepa jĩp'a oot'ɨ, Tachi Ak'õrepa tachi nepɨra ak'ɨi pẽra, Moisepa bɨdadepa. Mãɨpa tachi jɨ̃ uru p'anana jĩra bɨdepema k'ẽet'aapiparima.

1 Pedro 2:16

Mãra jɨ̃ uru p'anana jĩra bɨdepema Cristopa k'ẽet'aasi pẽra, mãɨya nipat'ɨ. Maamina mãɨya ãjã́ pari p'anɨ pẽra k'ɨ̃risiarãt'ɨ nemietá oodai k'orea. Mãɨpari Tachi Ak'õre pae pari mimiapataɨrã jĩra p'anat'ɨ.

2 Juan 1:1

Mɨ Chõapɨ. Mɨa nãɨ k'art'a bɨruma wẽra Tachi Ak'õrepa jɨrɨ atada pae mãɨnepa ichi warrarã pae pida. Mɨa mãra piarã k'ɨ̃ria bɨma. Mɨapuru mãra k'ɨ̃ria bɨwẽma, mãɨpari jõma chi piarãpẽa pedea k'awapataɨrãpa mãra k'ɨ̃ria p'anɨma.