Juan 8:31 - Tachi Ak'õre Pedea

³¹ Maapae Jesupa judiorã ichide ĩjãautarã́ jarasima: —Mãrapa mɨ pedea ĩjãa p'ananaipɨra, piarã mɨ ome p'ɨrrɨapataɨrã p'ananaipɨ.

Juan 8:31 Σταυροειδείς Αναφορές

Mateo 24:13

Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Juan 1:47

Jesupa Natanael ichimá orrobari cheru unuside nãɨya jarasima: —¡Ak'ɨt'ɨ! Nãɨt'a chi piarãpẽa ẽpẽra Israeldepemapɨ. Ichia tachi seak'ama.

Juan 2:2

Jesú mãɨnepa chi ichi ome p'ɨrrɨapataɨrã mãɨ arapá miak'ãipataɨ ewari oo p'anɨmá t'ɨ̃ p'anasidama.

Juan 8:36

Mãɨpuru Tachi Ak'õre Warrapa mãra ãjã́ pari bɨipɨra, piarã pari ãjã́ p'aneenaipɨ.

Hecho 13:43

Chi jere p'anana wãsidaɨde minachia judiorãpa mãɨnepa griegorã chi judiorã k'ɨ̃risia jĩra p'anapataɨrãpa Pablo mãɨnepa Bernabé paara wãsidama. Ãchia mãɨ ẽpẽerã́ minachia jarasidama Tachi Ak'õrepa ichi sõpiadepa ãchi k'aripa bɨt'a ĩjãa p'ananamẽrá.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Hecho 26:22

Maamina Tachi Ak'õrepa mãɨ ewaridepa mɨ k'aripa bɨ pẽra mɨa chi minachia k'awa p'anɨa mãɨnepa chi minachia k'awawẽa p'anɨa wapida Jesú k'orea pedea bɨma. Tachi Ak'õre pari pedeapataɨrãpa mãɨnepa Moisepa k'ãre baeit'a jarasidama. Mãɨt'a mɨa jara bɨma.

Romano 11:22

Minachia k'ɨ̃risiat'ɨ sãmaasã́ Tachi Ak'õrepa ichi sõpiadepa k'aripapari mãɨnepa sãmaasã́ ɨtɨapari. Judiorãpa ĩjãanaé pasi pẽra Tachi Ak'õrepa ɨtɨak'ari ãchi itu bɨsima. Mãɨne mãra judiorãwẽ ichi sõpiadepa k'aripa bɨma mãɨnepa k'aripa baipɨ. Maamina mãɨnepa p'ananai p'anɨma. Mãrapa ĩjãa p'ananaiwẽpɨra, Tachi Ak'õrepa mãra sida ɨtɨak'ari itu bɨipɨ pak'uru jua t'ɨat'uk'oaru jĩra.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

1 Timoteo 2:15

Maamina warra t'õ p'anɨnepa wẽrarã k'aripaipɨ Cristode ĩjãa p'ananaipɨra, piarã waapẽarã k'ɨ̃ria uru p'ananaipɨra mãɨnepa Tachi Ak'õre pae pia p'ananaipɨra. Jõma mãɨ jĩp'a p'ananai p'anɨma.

1 Timoteo 4:16

Ara pɨchi k'orea mãɨnepa pɨa jaratea bɨ k'orea jĩrak'aua base. Jõma makɨɨ jĩp'a oo nipase. Mãɨya oo baipɨra pɨ k'aripaipɨ. Pɨa jaratea bɨ ũri p'anɨrã sida k'aripadaipɨ.

2 Timoteo 3:14

Maamina pɨá jarateadada k'awada chi piarãt'a k'ɨ̃risia bɨ pẽra mãɨne nipase. Pɨa k'awa bɨma pɨá jarateadaadapa jĩp'a jarateasidaɨt'a.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

Hebreo 8:9

Mãɨ pedea chiwidi mãra chõarãenapemarã ome pedea bɨda jĩra baiwẽma. Ãchi ome pedea bɨsima, ãchi jua jitak'ari Egitodepa ateewãside. Maamina piarã ĩjãanaé pada pẽra mɨa ãchi ameesima. Mãɨya jara bɨma Tachi Chiparipa.

Santiago 1:25

Maamina abaɨpa Tachi Ak'õre pedea ũrik'ari k'ɨ̃risia atuawẽpɨra, minachia pia baipɨ. Ẽpẽrapa mãɨ pedea jĩp'a bɨ mãɨnepa tachi k'aripa bɨ ewaricha pia k'ɨ̃risiak'ari maapae oo baipɨra, ichia oo bɨdepa minachia pia baipɨ.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

1 Juan 2:24

Mãɨpuru mãrapa ĩjãasidaedapema chi Cristo k'orea ũri p'anɨt'a mãra sõne minachia pia yaa uru p'anat'ɨ. Mãɨ minachia yaa uru p'anɨpɨra, Tachi Pajãnepema Ak'õre ome mãɨnepa ichi Warra ome pida ará p'ananaipɨ.

2 Juan 1:9

Abaɨpa Cristopa jarateada k'aepẽra ichi k'ɨ̃risiadepa ne awara jaratea nipaipɨra, wa mãɨyawẽa Cristopa jarateada itu bɨipɨra, mãɨ Tachi Ak'õre newẽa bɨma. Maamina abaɨpa Cristopa jarateada ĩjãa baipɨra, chi Ak'õre mãɨnepa chi Warra sida uru bɨma.