Juan 8:29 - Tachi Ak'õre Pedea

²⁹ Mɨ Peeda mɨ ome bɨma. Mɨ Ak'õrepa mɨ tuaba ameek'ama mɨa ewaricha ichia k'ɨ̃ria bɨt'a oo bapari pẽra.

Juan 8:29 Σταυροειδείς Αναφορές

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Juan 14:31

Mãɨya mɨ Ak'õrepa oopi bɨt'a mɨa ooipɨ. Mãɨnepa nãɨ ĩjũanepemarãpa k'awadaipɨ mɨa mɨ Ak'õre minachia k'ɨ̃ria bɨt'a. »P'irabarit'ɨ. Wãtɨma.

Juan 15:10

Mɨa oopi bɨ pedea oodaipɨra, piarã mɨa k'ɨ̃rianepa p'ananaipɨ. Ara mãɨ jĩra mɨ Ak'õrepa jara bɨeda oo bɨ pẽra ichia k'ɨ̃rianepa baparima.

Juan 16:32

Chi ewari chei bada cheruma. Mãra ãarea abaabá jĩichoadak'ari mɨ tuaba ameenaipɨ. Maamina mɨ tuaba baiwẽma mɨ Ak'õre mɨ ome bɨ pẽra.

Juan 17:4

Pɨa mɨá nãɨ ĩjũane oopida mɨa jõma oosima. Mãɨya k'awapisima pɨ chi choma bɨt'a.

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 5:30

»Ara mɨchi tuaba ne p'ue ooiwẽma. Mɨa ẽpẽra ɨtɨaparima mɨ Ak'õrepa jararu jĩra. Mɨa jĩp'a ɨtɨaparima. Mɨa k'ɨ̃ria bɨ jĩra ook'ama mãɨpari mɨ Ak'õre, chi mɨ Peedapa k'ɨ̃ria bɨ jĩra ooparima.

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Juan 8:16

Mɨa ẽpẽerã sãmaasã́ be ak'ɨk'ari jaraipɨra, mɨa jara bɨ piarãpɨ, mɨ tuaba pida mãɨya jarawẽa bɨ pẽra. Mãɨpari mɨ Ak'õre, mɨ Peedapa mɨ ome mãɨya jara bɨma.

2 Timoteo 4:17

Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima.

2 Timoteo 4:22

Mɨa k'ɨ̃ria bɨma Tachi Chipari Jesucristo pɨ ome bait'a mãɨnepa Tachi Ak'õrepa ichi sõpiadepa mãra k'aripa bai. Mãɨya beese.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

1 Juan 3:22

Mãɨne chi tachia idiuta Tachi Ak'õrepa teaipɨ, ichia oopi bɨ pedea mãɨnepa pia unu bɨt'a oo p'anɨ pẽra.