Juan 8:20 - Tachi Ak'õre Pedea

²⁰ Jesupa Tachi Ak'õre te eda, erreara Tachi Ak'õrea teapataɨmá jaratea baside jõma mãɨ jarasima. Maamina mi ãpia pida ichi jitadaé pasima ichi ewari waidi pawẽa bada pẽra.

Juan 8:20 Σταυροειδείς Αναφορές

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Mateo 27:6

Juda wãk'ari p'aarerã chi mãɨrã chaarearãpa mãɨ erreara jɨrɨp'edak'ari jarasidama: «Nãɨ erreara Tachi Ak'õrea teadada erreara ome p'ue bɨdaiwẽma, ẽpẽra peapidai k'orea p'aadada pada pẽra».

Marco 12:41

Tachi Ak'õre te minachia bɨ k'orea erreara bɨpataɨ k'ĩrari suak'abari baside, Jesupa unusima ẽpẽerãpa erreara tau eda bɨ p'anɨt'a. Chi ẽpẽerã minachia nɨbɨ errearadepa ɨbɨa berãpa erreara minachia eda bɨpachidama.

Marco 12:43

Jesupa ichi ome p'ɨrrɨapataɨrã́ t'ɨ̃k'ari jarasima: —Mɨa piarã mãrá jararuma: jãɨ p'ẽtã́ chupuria k'ɨrɨpa atepe teasima ãareaɨrãpa teadada k'aepẽra.

Luca 20:19

P'aarerã chi mãɨrã chaarearãpa mãɨnepa Moisepa bɨda jarateapataɨrãpa k'awasidama Jesupa mãɨ nepɨrɨdadepa ãchi k'orea pedeada pẽra, Jesú jita k'ɨ̃ria p'anasidama. Maamina p'uurudepemarã wap'ea p'anasidama.

Luca 21:1

Mãɨya bɨde Jesupa unusima chi erreara pará berãpa Tachi Ak'õre te minachia bɨ k'orea erreara bɨpataɨde tea p'anɨt'a.

Juan 10:39

Mãɨne ãchia mãicha Jesú jita k'ɨ̃ria p'anasidama, maamina wãsima.

Juan 2:4

Mãɨne Jesupa jarasima: —Nae, ¿k'ãre k'orea pɨa mɨá mãɨya jara bɨma? Mɨ ewari waidi ará pawẽma.

Juan 7:14

Mãɨ arapaapataɨ ewari estarik'a pak'ari mãɨ ooutade Jesú Tachi Ak'õre te minachia bɨdea wãk'ari tajataria jaratea beesima.

Juan 7:30

Mãɨ k'orea ãchia Jesú jita k'ɨ̃ria p'anasidama, maamina mi ãpia pida jitadaé pasima ichi ewari ará pawẽa bada pẽra.

Juan 7:44

Chi eda waapẽarãpa ichi jita k'ɨ̃ria p'anasidama, maamina mi ãpia pida jitadaé pasima.

Juan 7:8

Wãt'ɨ mãɨ arapaapataɨ ewari oo p'anɨmá. Mɨ waidi wãiwẽma mɨ wãi ewari waidi ará pawẽ pẽra.

Juan 8:2

Norema tap'ede mãicha Tachi Ak'õre tede eda wãsima. Mãma bɨde ẽpẽerã minachia ichimá cheepɨrɨsidama. Jeeda suak'abari beek'ari ãchiá jaratea beesima.

Juan 8:59

Jesupa mãɨya jarada k'orea judiorãpa mawara atasidama ichi bat'a peadayá. Maamina Jesú mĩruk'ari Tachi Ak'õre te edapema ãyá wãsima.