Juan 7:41 - Tachi Ak'õre Pedea

⁴¹ Mãɨnepa waapẽarãpa jarasidama: «Ichi Tachi Ak'õrepa Tachi K'aripaparí teai jaradapɨ». Maamina waapẽarãpa jarasidama: «Mãɨyawẽma. ¿Tachi Ak'õrepa Tachi K'aripaparí teai jarada Galileadepa cheik'ãra?

Juan 7:41 Σταυροειδείς Αναφορές

Juan 1:41

André Jesumá bak'ari naa ichi ũpẽa Simón jɨrɨde wãsima. Unuk'ari jarasima: —Taipa unusidama Tachi Ak'õrepa Tachi K'aripaparí teai jarada.

Juan 1:46

Natanaelpa P'elipea jarasima: —¿Mãɨyara nepia tachi pae Nazaredepa cheik'ãra? P'elipepa jarasima: —Ak'ɨde wãnama.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Juan 4:25

Chi wẽrapa jarasima: —Mɨa k'awa bɨma Tachi Ak'õrepa Tachi K'aripaparí teai jarada piarã cheit'a. Ichi cherude tachiá ne ãarea k'awapiipɨ.

Juan 4:29

—¡Ak'ɨde wãt'ɨ, chi mɨa ununa ẽpẽra! Ichia mɨá jarasima mɨa ne ãarea naena oodat'a. ¿Mãɨ Tachi Ak'õrepa Tachi K'aripaparí teai jaradawẽk'ãra?

Juan 4:42

Ãchia wẽrá jarasidama: —Taipa abapuru pɨa jarada k'orea ĩjãa p'anɨwẽma, mãɨpari ĩjãa p'anɨma ichia jaratea bɨ ũrinana pẽra. Taipa k'awasidama ichi piarã nãɨ ĩjũanepemarã k'aripaparit'a.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Juan 7:27

Maamina tachia k'awa p'anɨma ichi sãmapemat'a. Tachi Ak'õrepa Tachi K'aripaparí teai jarada cherude mi ãpia pida k'awadaiwẽma ichi sãmãɨpa cherut'a».

Juan 7:31

Mãɨne ãareaɨrãpa ichide ĩjãasidama. Mãɨya jarasidama: —Tachi Ak'õrepa Tachi K'aripaparí teai jarada cherude ¿nãɨ ẽpẽrapa oo bɨ k'aepẽra ẽpẽerãpa ne p'ue oodak'apɨ́ atepe ooik'ãra?

Juan 7:52

Ãchia p'anoosidama: —¿Mãɨyara pɨ Galileadepemak'ãra? Tachi Ak'õre pedea minachia eda jara base. Mãɨne pɨa k'awaipɨ abaɨ pida Tachi Ak'õre pari pedeaparí Galileadepa chewẽt'a.