Juan 7:36 - Tachi Ak'õre Pedea

³⁶ ¿K'ãre k'orea ichia mãɨya jara bɨma: “Mãrapa mɨ jɨrɨdaipɨ maamina ununaiwẽma”? Mãɨnepa ¿k'ãre jara bɨma “Mɨ wãrumá mãra p'ue wãnaiwẽma”?

Juan 7:36 Σταυροειδείς Αναφορές

Juan 12:34

Ẽpẽerã mãma p'anɨrãpa Jesua jarasidama: —Moisepa bɨdadepa taipa k'awa p'anɨma Tachi Ak'õrepa Tachi K'aripaparí teai jarada mãɨ ewaricha piuk'apɨɨt'a. Pɨa ¿sãmaasã́ jara bɨma chi Ẽpẽra Warra ɨt'ɨ barijira bɨdayade a bɨt'a? Mãɨ Ẽpẽra Warra ¿k'aima?

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 3:4

Mãɨ k'orea Nicodemopa ichiá idisima: —¿Sãmaasã́ tachi chõa bɨt'a mãicha t'õima? Mãɨya bɨpɨra ¿tachi nae bide wãi bɨk'ãra mãicha t'õmẽrá?

Juan 3:9

Nicodemopa jarasima: —Tachi Ak'õre Jaorepa ¿sãmaasã́ mãɨ mãɨyaima?

Juan 6:41

Jesupa «mɨ chi p'ana ɨt'aripa chedade» ada pẽra, chi mãma p'anɨ judiorãpa ichi k'orea pedea piawẽa pedeasidama.

Juan 6:52

Mãɨya bɨde judiorã ãchi tuaba k'ɨ̃risia awara awará k'ĩruu pedea p'anasidadepa jara p'aneesidama: —¿Sãmaasã́ ichi k'ak'ua tachiá k'opiima?

Juan 6:60

Mãɨ jaratea bɨ ũrisidaɨde chok'ará Jesú ome p'anɨrãpa jarasidama: «Ichia jarada chi t'aju bɨma. ¿K'aipa mãɨ p'ue mãɨya k'ɨ̃riaima?»

Juan 7:34

Mãrapa mɨ jɨrɨdaipɨ maamina ununaiwẽma. Mɨ wãrumá mãra p'ue wãnaiwẽma.

Juan 8:21

Maapae Jesupa jarasima: —Mɨ wãipɨ. Wãk'ari mãrapa mɨ jɨrɨdaipɨ maamina waa ununaiwẽma. Mãrapa mɨne ĩjãanawẽ pẽra nemietaade piudaipɨ. Piarã mɨ wãrumá mãra p'ue wãnaiwẽma.

1 Corintio 2:14

Maamina Tachi Ak'õre Jaorepa k'awapi bɨt'a, chi Tachi Ak'õre Jaore nea bɨpa k'awai k'ɨ̃riak'ama, ichimá piawẽa bɨ pẽra. Mãɨnepa p'ue k'awak'ama, Tachi Ak'õre Jaoredepa mãɨ k'awapi bɨ pẽra.