Juan 7:31 - Tachi Ak'õre Pedea

³¹ Mãɨne ãareaɨrãpa ichide ĩjãasidama. Mãɨya jarasidama: —Tachi Ak'õrepa Tachi K'aripaparí teai jarada cherude ¿nãɨ ẽpẽrapa oo bɨ k'aepẽra ẽpẽerãpa ne p'ue oodak'apɨ́ atepe ooik'ãra?

Juan 7:31 Σταυροειδείς Αναφορές

Mateo 12:23

Jõmãɨrãpa k'awa k'ɨ̃risiadaé pasi pẽra, idisidama: —Davidepa chei pada ¿nãɨ Jesuk'ãra?

Luca 8:13

Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Juan 11:45

Chok'ará judiorã María ak'ɨde wãnaanarãpa Jesupa ooda unusidama. Mãɨpuru ãchia ichide ĩjãasidama.

Juan 12:42

Isaíapa mãɨya bɨdamina chok'ará judiorãpa mãɨnepa p'aarerã chi mãɨrã chaarearã pida Jesude ĩjãasidama. Maamina waapẽarã́ mãɨ jaradaé pasima. Wap'ea p'anasidama p'ariseorãpa chi ará pedeapataɨ tedepema ãyá jeret'aadait'a.

Juan 2:11

Mãɨ ẽpẽerãpa ne p'ue oodak'apɨ́ naa ooda Jesupa Caná p'uurude Galilea ĩjũane oosima. Mãɨnepa chi ichi minachia atepe bɨt'a unupisima. Mãɨya ichi ome p'ɨrrɨapataɨrãpa ichide piarã ĩjãasidama.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 4:29

—¡Ak'ɨde wãt'ɨ, chi mɨa ununa ẽpẽra! Ichia mɨá jarasima mɨa ne ãarea naena oodat'a. ¿Mãɨ Tachi Ak'õrepa Tachi K'aripaparí teai jaradawẽk'ãra?

Juan 4:39

Chok'ará Samariadepemarã mãɨ p'uurude p'anapataɨrãpa Jesude ĩjãasidama, wẽrapa nãɨya jarada pẽra: «Ichia mɨá jarasima mɨa ne ãarea naena oodat'a».

Juan 6:2

Jesupa ẽpẽerãpa ne p'ue oodak'apɨ́ oo bɨdepa k'ɨdade berã jɨpa beepik'oasima. Chok'ará ẽpẽerãpa mãɨ unu p'anana pẽra ichi k'aade wãsidama.

Juan 7:26

Ak'ɨt'ɨ, ichi nãma ãareaɨrã taade pedea bɨma. Maamina mi ãpia pida ichiá ne jaradawẽa p'anɨma. ¿Chi minachia k'awa p'anɨrãpa k'ɨ̃risia p'anɨk'ãra ichi chi Tachi Ak'õrepa Tachi K'aripaparí teai jaradat'a?

Juan 9:16

Chi waapẽarã p'ariseorãpa jarasidama: «Mãɨ ẽpẽra Tachi Ak'õrenepa chewẽa bɨma, mimianak'apɨ́ ewaride chi tachia ne oodaiwẽa p'anɨne mãɨya ooda pẽra». Maamina waapẽarãpa jarasidama: «¿Sãmaasã́ nemietá ooparí ẽpẽrapa mãɨ ẽpẽerãpa ne p'ue oodak'apɨ́ p'ue oosima?» Mãɨya ara ãchi paara ne wawaria pedea p'aneesidama.

Hecho 8:13

Simón pida ĩjãasima. Maapae porochoak'ari P'elipe ome p'ɨrrɨade wãsima. P'elipepa ẽpẽerãpa ne p'ue oodak'apɨ́ waibɨa oo bɨt'a Simonpa unurune, k'awa k'ɨ̃risiawẽa beesima.

Santiago 2:26

Ẽpẽra piuda jaore nea beeparima. Ara mãɨ jĩra Tachi Ak'õrene ĩjãa bɨade a bɨpa pia oowẽpɨra, piarã ĩjãawẽa bɨma. Ichia ĩjãa bɨade a bɨ ẽpẽra piuda jĩra bɨma.