Juan 6:9 - Tachi Ak'õre Pedea

⁹ —Warra nãma bɨpa p'ana cebada ooda joesoma uru bɨma mãɨnepa beta ume uru bɨma. Maamina nãɨ ¿k'ãa sãit'a nãɨ ẽpẽerã chi minachia nɨbɨ pae?

Juan 6:9 Σταυροειδείς Αναφορές

Mateo 14:17

Maamina ãchia jarasidama: —Taipa p'ana joesoma mãɨnepa beta ume uru p'anɨma.

Mateo 16:9

¿Mãrapa mɨa ooda unusidamina k'awadawẽa p'anɨk'ãra? ¿K'ɨ̃risia atuasidak'ãra p'ana joesoma bɨdepa mɨa ẽpẽrarã joesoma mil p'anɨa nek'opida? ¿K'ɨ̃risia atuasidak'ãra mãrapa chi pichoada jɨrɨp'esidaɨde jabara k'ak'o jõmasã́ ipirupisidat'a?

Marco 6:38

Mãɨne Jesupa idisima: —¿Tachia p'ana jõmasã́ uru p'anɨma? Ak'ɨde wãt'ɨ. Ara mãɨne wãsidama. Ak'ɨdak'ari jarade chesidama: —P'ana joesoma mãɨnepa beta ume uru p'anɨma.

Marco 8:19

Mɨa chi p'ana joesoma bɨdepa ẽpẽerã joesoma mil p'anɨa nek'opiside ¿jabara k'ak'o jõmasã́ mãrapa chi pichoada jɨrɨp'esidama? Ãchia p'anoosidama: —Doce.

Luca 9:13

Jesupa jarasima: —Mãrapuru nek'opit'ɨ. Maamina ãchia jarasidama: —Taipa ne atade wãnai pada nãɨ ẽpẽrarã chi chok'ará p'anɨ pae p'ue nek'opidaiwẽma. P'ana joesoma mãɨnepa beta ume uru p'anɨma.

Juan 11:21

Martapa Jesú unuside ichiá jarasima: —Mɨ Chipari, pɨ nãma badapara mɨ ũpẽa piuiwẽ pasima.

Juan 11:32

María Jesú bɨmá cheside ichi unuside, ichi jĩru k'ait'a bedabari k'obeesima. Nãɨya jarasima: —Mɨ Chipari, pɨ nãma badapara, mɨ ũpẽa piuiwẽ pasima.

Juan 21:10

Jesupa jarasima: —Mãrapa beta arat'ea jitadaadadepema enemeet'ɨ.

Juan 21:13

Mãɨya p'anɨne Jesupa p'ana atak'ari ãchiá teasima. Mãɨnepa beta teasima.

Juan 21:9

Batooutade t'ɨpɨ urua nɨbɨt'a unusidama, beta, p'ana ome.

Juan 6:11

Jesupa p'ana juade jitak'ari Tachi Ak'õrea sõpia bɨade asima. Maapae ichi ome p'ɨrrɨapataɨrã́ jarasima ẽpẽerã́ jedadamẽrá. Betadeepida ara mãɨya oosima ãareaɨrãpa ãchia k'ɨ̃riautat'a k'odamẽrá.

Juan 6:7

P'elipepa p'anoosima: —Mi jedek'o k'ak'o 8 mimiana erreara tau deepida, mãɨ jitadadepa mi ãpia pida ara baiwẽa bɨma, nãɨ ẽpẽerã́ mi ãpĩipiapida nek'opidayá.

2 Corintio 8:9

Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

Apocalipsi 6:6

Mãɨne mɨa chi ẽpẽra jĩra k'ĩmari chok'ae p'anɨ t'ãenaɨpa abaɨpa pedea bɨt'a ũrisima. Mãɨpa chi mũra ɨ̃rɨ suak'abari bɨa nãɨya jarasima: «Chi trigo itu pia chaupirãse. Mãɨya trigo libra ume netoi k'orea ẽpẽra ewari aba mimiai bɨma. Cebada sida itu pia chaupirãse. Mãɨya cebada sei libra netoi k'orea ẽpẽra ewari aba mimiai bɨma. Maamina olivojõ mãɨnepa uvajõ itu pia chaupise, mãɨya olivo taa mãɨnepa uvaba uru p'ananamẽrá».