Juan 5:30 - Tachi Ak'õre Pedea

³⁰ »Ara mɨchi tuaba ne p'ue ooiwẽma. Mɨa ẽpẽra ɨtɨaparima mɨ Ak'õrepa jararu jĩra. Mɨa jĩp'a ɨtɨaparima. Mɨa k'ɨ̃ria bɨ jĩra ook'ama mãɨpari mɨ Ak'õre, chi mɨ Peedapa k'ɨ̃ria bɨ jĩra ooparima.

Juan 5:30 Σταυροειδείς Αναφορές

Mateo 26:39

Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima: «Ak'õre, pɨa k'ɨ̃ria bɨpɨra, mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Juan 14:10

¿Pɨa ĩjãawẽa bɨk'ãra mɨ, mɨ Ak'õre ome ará bɨt'a mãɨnepa mɨ Ak'õre mɨ ome ará bɨt'a? Mɨa pedea bɨ ara mɨchidepa pedeak'ama. Mãɨpari mɨ Ak'õre mɨ ome ará bɨpa mɨnepa pedea bɨma. Piarã mɨnepa ne ãarea ichia ooparima.

Juan 17:4

Pɨa mɨá nãɨ ĩjũane oopida mɨa jõma oosima. Mãɨya k'awapisima pɨ chi choma bɨt'a.

Juan 18:11

Mãɨ k'orea Jesupa Pedroa jarasima: —Pɨchi k'ĩruuparí nek'o yaase. ¿Mɨ mãɨ mĩai bɨwẽk'ãra, mɨ Ak'õrepa mɨ mĩapii bɨ jĩra?

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Juan 8:28

Mãɨpuru ichia jarasima: —Mãrapa mɨ, chi Ẽpẽra Warra ɨt'ɨ barijira bɨutade k'awadaipɨ chi Mɨt'a. K'awadaipɨ mɨa mi ãpia pida ara mɨa k'ɨ̃ria bɨ jĩra ook'at'a. Mãɨnepa k'awadaipɨ mɨ Ak'õrepa jarateada jĩra mɨa pedea bɨt'a.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Juan 8:50

Mɨa jɨrɨwẽma ẽpẽerãpa mɨ k'orea pia pedeadamẽrá. Maamina chi mãɨ jɨrɨi bɨt'a aba bɨma. Ichiapuru ẽpẽerã nepɨra ak'ɨparima.

Romano 15:3

Piarã Cristo pida ara ichia k'ɨ̃ria bɨt'a ooé pasima, mãɨpari Tachi Ak'õre pedeade bɨ bɨ jĩra mãɨyasima. Nãɨya bɨ bɨma: «Tachi Ak'õre, ãchia pɨ k'orea k'achia pedeasidaɨde mɨ k'orea pida k'achia pedeasidama».

Romano 2:2

Tachia k'awa p'anɨma Tachi Ak'õrepa nemietá oopataɨrã ɨtɨaparit'a, ichi pedea piarãpẽanepa.

Romano 2:5

Maamina k'ɨɨrɨwẽa bɨ pẽra pɨ nemietá itu bɨk'ama Tachi Ak'õremá cheemaapa. Mãɨ k'orea Tachi Ak'õrepa ɨtɨai ewaride ichi k'ĩruuk'ari atepe ɨtɨaipɨ. Mãɨ ewaride Tachi Ak'õrepa unupiipɨ sãmaasã́ jõmãɨrã jĩp'a ɨtɨait'a.