Juan 5:28 - Tachi Ak'õre Pedea

²⁸ Mɨa jara bɨ k'orea k'awa k'ɨ̃risiadawẽa p'anarãt'ɨ. Piarã ewariaba ãarea jãɨrã tede piu beadapa mɨ, chi Ẽpẽra Warra pedea ũriutade,

Juan 5:28 Σταυροειδείς Αναφορές

Juan 3:7

Mɨa mãicha chiwidi t'õnai p'anɨane ada k'orea minachia k'ɨ̃risiarãse.

Juan 4:21

Jesupa p'anoosima: —Mɨa jara bɨt'a ĩjãase. Ewariaba nãɨ eyade mãɨnepa Jerusalene pida Tachi Ak'õrea pia pedeade wãnaiwẽma.

Juan 4:23

Maamina ewari chei bada chesima. Idiapae Tachi Ak'õrepa k'ɨ̃ria bɨma ẽpẽerãpa ãchi bemãɨpa pia pedeadait'a ichi Jaoredepa mãɨnepa piarã k'awa p'anɨnepa. Aba mãɨya ichiá arí pia pedeadaipɨ.

Juan 5:20

Mɨ Ak'õrepa mɨ k'ɨ̃ria bɨma. Mãɨpuru ãarea ichia oo bɨt'a mɨá unupiparima. Mãɨ awara ichia nãɨ ẽpẽerãpa ne p'ue oodak'apɨ́ ooda k'aepẽra ne waibɨa bet'a unupiipɨ. Mãɨ k'orea mãra ak'ɨɨtua nɨbeeipɨ.

Juan 5:25

Piarã jararuma: ewari chei bada chesima. Nãmãɨpa chi piuda jĩra p'anɨrãpa mɨ, chi Tachi Ak'õre Warra pedea ũrinaipɨ. Chi mɨne ĩjãauta chok'ae p'ananaipɨ.

Hecho 24:15

Chi nãɨrã judiorãpa nɨ p'anɨma chi jĩp'a be mãɨnepa chi jĩp'awẽa be piudak'ari Tachi Ak'õrepa chok'ae p'irabaripiit'a. Mɨa pida mãɨ nɨ bɨma.

Hecho 3:12

Pedropa mãɨ unuside jarasima: «Israeldepemarã, ¿k'ãre k'orea k'awa k'ɨ̃risiadawẽa p'anɨma? ¿K'ãre k'orea tai ak'ɨ p'anɨma? ¿K'ɨ̃risia p'anɨk'ãra ara tai jua chaareadepa wa tai Tachi Ak'õre k'ĩrari jĩp'a p'anɨ pẽra nãɨ ẽpẽra jɨpa beepisidat'a? ¡Mãɨyawẽma!

1 Corintio 15:22

Jõmãɨrã Adannepa chedada pẽra piupatama. Ara mãɨ jĩra Cristo k'orea jõma ichidirã chok'ae p'ananaipɨ.

P'ilipense 3:21

Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.

Apocalipsi 20:12

Ichiaba chi piudaadarã chi atepe berã mãɨnepa chi k'aepea k'ede sida Tachi Ak'õre k'ĩrari bai nɨp'anɨt'a mɨa unusima. Mãɨne k'art'a ewak'oasima. Mãɨ k'art'ade jõma ẽpẽerãpa ne oodada bɨ nɨbasima. Abaɨ k'art'a sida ewasima. Mãɨne chi ewaricha chok'ae p'ananai k'art'ade ẽpẽerã t'ɨ̃ bɨ nɨbasima. Jõma piudaadarã Tachi Ak'õrepa ɨtɨasima ãchia oodada jĩra. Ãchia oodada ãarea k'art'ade bɨ nɨbasima.