Juan 4:48 - Tachi Ak'õre Pedea

⁴⁸ Jesupa ichiá jarasima: —Mãrapa ẽpẽerãpa ne p'ue oodak'apɨ́ ununaepɨra mɨa jara bɨde ĩjãanaiwẽma.

Juan 4:48 Σταυροειδείς Αναφορές

Mateo 16:1

Mãɨya bak'ari waapẽarã p'ariseorã mãɨnepa saduceorã Jesumá orrobarisidama, ichi Tachi Ak'õrenepa che bɨ k'awadayá. Mãɨ k'orea ichiá idisidama ẽpẽrarãpa ne p'ue oodak'apɨ́ oomẽrá.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Mateo 27:42

—Ichia waapẽarã k'aripasima, maamina ara ichi tuaba p'ue k'aripawẽma. Ichi Israeldepema poro jũra jɨ̃parí jɨ̃ bɨpɨra, nãɨena jãɨ k'urusudepa edá chese. Mãɨyara ĩjãanaipɨ.

Marco 13:22

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima.

Luca 10:18

Mãɨ k'orea Jesupa ãchiá jarasima: —Ãjã, mɨa unu basima tiore ɨt'aripa pa baepari jĩra baesit'a.

Luca 16:31

Maamina Abrahanpa jarasima: “Moisepa bɨda mãɨnepa Tachi Ak'õre pari pedeapataɨrãpa bɨdada ĩjãanaepɨra, piuda chok'ae p'irabaridapa mãɨ jararu sida ĩjãanaiwẽma”».

Juan 12:37

Jesupa ẽpẽerãpa ne p'ue oodak'apɨ́ chok'ará ẽpẽerã k'ĩrari oodamina ãchia waidi ĩjãanawẽa p'anasidama.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 2:18

Mãɨya bɨde p'aarerã chi chaarearã arí p'anasidama. Mãɨrãpa Jesua jarasidama: —Taiyá unupise Tachi Ak'õrepa pɨá jãɨya oopi bɨt'a.

Juan 20:29

Mãɨya bɨde Jesupa ichiá jarasima: —Pɨa mɨ unuru pẽra ĩjãaruma. ¡Maamina ẽpẽerãpa mɨ ununawẽa ĩjãanaipɨra, minachia pia p'ananaipɨ!

Juan 4:49

Maamina chi ẽpẽrapa jarasima: —Mɨ Chipari, mɨ warra piui naena isapea wãnama.

Hecho 14:3

Maamina Pablo mãɨnepa Bernabé mãma tãaraa p'anasidama. Tachi Chiparipa k'aripa bɨ sõnepa ĩjãa p'anɨ pẽra ichi k'orea ne wap'eawẽa jarateapachidama. Mãɨne Tachi Chiparipa ãchiá jua chaarea teasima ẽpẽerãpa ne p'ue oodak'apɨ́ oodamẽrá. Mãɨya k'awapisima ichi sõpiadepema ãchia jaratea p'anɨ piarãt'a.

Hecho 15:12

Bernabepa mãɨnepa Pablopa nepɨrɨsidama Tachi Ak'õrepa ẽpẽerãpa ne p'ue oodak'apɨ́ ãchidepa judiorãwẽ t'ãena oosit'a. Mãɨpa k'awapisima ichi ãchi ome bɨt'a. Mãɨne ãareaɨrãpa k'ĩup'ea ũri tuanasidama.

Hecho 2:19

Mãɨ ewaride ẽpẽerãpa ne p'ue oodak'apɨ́ pajãne mãɨnepa ĩjũane unupik'oaipɨ. Oa, t'ɨpɨ mãɨnepa nãri unupik'oaipɨ.

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Hecho 2:43

Chi Jesupa peedaɨrãpa ẽpẽerãpa ne p'ue oodak'apɨ́ minachia oopachidama. Mãɨ k'orea ãareaɨrãpa Tachi Ak'õre minachia wap'easidama.

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Hecho 5:12

Mãɨ ewaride Jesupa peedaɨrãpa ẽpẽerãpa ne p'ue oodak'apɨ́ minachia ook'oapachidama. Abarik'a k'ɨ̃risiadepa ũpẽarã ãarea Tachi Ak'õre te ãpɨtea p'ɨrrɨapataɨ Salomoné apachidaɨde ará posoa p'anapachidama.

Hecho 6:8

Tachi Ak'õrepa ichi sõpiadepa Esteban minachia k'aripa basima. Ichi jua chaareapisima ẽpẽerãpa ne p'ue oodak'apɨ́ waibɨa ẽpẽerã t'ãena oo bamẽrá.

Hecho 7:36

Moisepa minachia ẽpẽerãpa ne p'ue oodak'apɨ́ oo bɨdepa tachi chõarãenapemarã Egitodepa ateewãsima. P'usa P'urea bɨde ẽpẽerãpa ne p'ue oodak'apɨ́ oosima. Ichiaba cuarenta ãyo ĩjũa pania newẽa bɨde ẽpẽerãpa ne p'ue oodak'apɨ́ oopachima.

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

1 Corintio 1:22

Chi judiorãpa Cristode ĩjãanai k'orea, ẽpẽrarãpa ne p'ue oodak'apɨ́ unu k'ɨ̃riapatama. Judiorãwẽpa chi nãɨ ĩjũanepema k'ɨ̃risiat'a jɨrɨpatama.

2 Corintio 12:12

Mɨ mãra t'ãena baside jõma oosima, Jesucristopa peedaɨrãpa oopata jĩra. Ãarea choa basima mãɨnepa ẽpẽerãpa ne p'ue oodak'apɨ́ waibɨa be oopachima.

2 Tesalonicense 2:9

Chi ẽpẽra k'achia bɨt'a tiorepa chepiipɨ. Mãɨpa tiore jua chaareapa ẽpẽrarãpa ne p'ue oodak'apɨ́ wawaria ook'oaipɨ, ẽpẽrarãpa Tachi Ak'õrepa mãɨya oo bɨade a k'ɨ̃risiadamẽrá.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.