Juan 4:21 - Tachi Ak'õre Pedea

²¹ Jesupa p'anoosima: —Mɨa jara bɨt'a ĩjãase. Ewariaba nãɨ eyade mãɨnepa Jerusalene pida Tachi Ak'õrea pia pedeade wãnaiwẽma.

Juan 4:21 Σταυροειδείς Αναφορές

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

Luca 21:24

Waapẽarã k'ĩruuparí nek'opa k'enanaipɨ mãɨnepa waapẽarã tua becha jita ateek'oadaipɨ. Mãɨne judiorãwẽpa Jerusalén ãchi juade uru p'ananaipɨ aba Tachi Ak'õrepa bɨda ewaridea.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Juan 16:32

Chi ewari chei bada cheruma. Mãra ãarea abaabá jĩichoadak'ari mɨ tuaba ameenaipɨ. Maamina mɨ tuaba baiwẽma mɨ Ak'õre mɨ ome bɨ pẽra.

Juan 4:23

Maamina ewari chei bada chesima. Idiapae Tachi Ak'õrepa k'ɨ̃ria bɨma ẽpẽerãpa ãchi bemãɨpa pia pedeadait'a ichi Jaoredepa mãɨnepa piarã k'awa p'anɨnepa. Aba mãɨya ichiá arí pia pedeadaipɨ.

Juan 5:25

Piarã jararuma: ewari chei bada chesima. Nãmãɨpa chi piuda jĩra p'anɨrãpa mɨ, chi Tachi Ak'õre Warra pedea ũrinaipɨ. Chi mɨne ĩjãauta chok'ae p'ananaipɨ.

Juan 5:28

Mɨa jara bɨ k'orea k'awa k'ɨ̃risiadawẽa p'anarãt'ɨ. Piarã ewariaba ãarea jãɨrã tede piu beadapa mɨ, chi Ẽpẽra Warra pedea ũriutade,

Hecho 6:14

Ichia jarasima Jesú Nazaredepemapa Tachi Ak'õre te minachia bɨ ãriit'a mãɨnepa Moisepa jaratea bada k'ĩra awara ooit'a. Ichia mãɨya pedea bɨt'a taipa ũrisidama».

Ep'esio 2:18

Cristodepa tachi umeepa abarik'a tachi Pajãnepema Ak'õremá naa p'ue chedaipɨ, ichi Jaore aba bɨdepa.

Ep'esio 3:14

Mãɨ k'orea mɨ Tachi Pajãnepema Ak'õre k'ĩrari sĩraporode k'obeeparima.

1 Timoteo 2:8

Mãɨpuru ũpẽarã ará nɨbeerude, mɨa k'ɨ̃ria bɨma techa ɨmɨk'ĩrarãpa k'ɨ̃risia piadepa ãchi jua ɨt'aa jiradak'ari, Tachi Ak'õrea ɨt'aa chiididamẽrá. Mãɨne k'ĩruu p'ananaiwẽa p'anɨma mãɨnepa awaraɨ ome k'ĩruu pedea p'ananaiwẽa p'anɨma.

1 Pedro 1:17

Mãrapa Tachi Ak'õrea pedeautade mãra Ak'õreane apatapɨra, k'awat'ɨ Ichia ẽpẽra waapẽarã k'aepẽra atepe k'ɨ̃riawẽanepa jõma ak'ɨipɨ, tachicha oodada k'orea. Mãɨpuru wapida nãɨ ĩjũane p'anɨmisa tua awaraɨdepemarã jĩra ewaricha ichi wap'ea p'anɨnepa jĩp'a nipat'ɨ.

Apocalipsi 21:22

Mãɨ p'uurude Tachi Ak'õre te minachia bɨt'a mɨa unué pasima newẽ pẽra. Tachi Chipari, chi Ne Ãarea P'ue Bɨ Tachi Ak'õre k'ĩrari mãɨnepa Oveja Chak'e k'ĩrari ẽpẽerãpa pia pedeadaipɨ ichi te atepe bɨde oopachida jĩra.