Juan 3:34 - Tachi Ak'õre Pedea

³⁴ Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

Juan 3:34 Σταυροειδείς Αναφορές

Mateo 12:18

Nãɨya jarasima: Nãɨ mɨa jɨrɨ atada chi mɨ pae pari mimiaparipɨ. Mɨa ichi k'ɨ̃ria bɨma. Ichi k'orea mɨ piarã sõpia bɨma. Mɨ Jaore ichiá teaipɨ. Ichia p'uuru becha mɨa jĩp'a ook'oa bɨ k'orea jaraipɨ.

Luca 4:18

«Tachi Ak'õre Jaore mɨ ome bɨma. Ichia mɨ jɨrɨ atasima chi nenea k'edea jaramẽrá Tachi Ak'õrepa ãchi k'aripait'a. Ichia mɨ peesima chi k'ɨ̃risia pará, sõp'ua be sõpiapik'oamẽrá, chi jita uadaadaɨrã ãchi k'ẽet'aapii jaramẽrá, tau p'ãrio be unupimẽrá, chĩara jua chaareade mĩa be pia bɨk'oamẽrá mãɨnepa jaramẽrá nãɨ ewaride Tachi Chiparipa ẽpẽrarã pia ooit'a».

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Juan 16:7

Mɨa piarã jararuma: mãra pae pia bɨma mɨ wãit'a. Mɨ wãepɨra mãra K'aripaparí cheiwẽma. Maamina mɨ wãipɨra ichi peeipɨ.

Juan 3:17

Tachi Ak'õrepa ichi Warra nãɨ ĩjũanea peé pasima ẽpẽerã nepɨra pará p'anɨane amẽrá mãɨpari peesima k'aripamẽrá.

Juan 5:26

Mɨ Ak'õrepa chok'ae bapipari jĩra, mɨa ara mãɨya chok'ae bapiparima ichia mãɨya bɨda pẽra.

Juan 7:16

Mãɨne Jesupa ãchiá jarasima: —Mɨa jaratea bɨ mõrewẽma, mãɨpari mɨ peedadepɨ.

Juan 8:40

Mɨa mãrá piarã pedea jara bɨma Tachi Ak'õrepa mɨá k'awapida jĩra. Maamina mãrapa mɨ pea k'ɨ̃ria p'anɨma. ¿Abrahanpa mãɨya oosik'ãra?

Juan 8:47

Chi Tachi Ak'õrene ĩjãa bɨpa ichi pedea pia ũrik'ari ooparima maamina mãra Tachi Ak'õrenewẽ pẽra ichi pedea ũrinak'ari, oodak'ama.

Hecho 1:2

Tachi Ak'õrepa mãɨ pajãnea ateewãrunea. Pajãnea wãi naena ichia peedaɨrã́ Tachi Ak'õre Jaoredepa jarateasima k'ãre oodai p'anɨt'a. Mãɨrã ichia jɨrɨ atada pasima.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Colosense 1:19

Tachi Ak'õrepa k'ɨ̃riasima Cristo ara ichi jĩra bait'a.

Colosense 2:9

Cristo, ẽpẽra k'ak'uade bɨt'a, mãɨ piarã Tachi Ak'õrepɨ.

Apocalipsi 21:6

Ichiaba ichia mɨá nãɨya jarasima: «Mɨa ooi badat'a jõma oosima. Mɨ chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Paritua opisia bɨpɨra, mɨa pania wea bɨt'a pari topiipɨ. Mãɨ paniapa tachi chok'ae p'anapiparima.

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.