Juan 3:29 - Tachi Ak'õre Pedea

²⁹ Miak'ãiutade chi wẽra ataru mãɨ chi atepe bɨma. Maamina chi ichik'á bɨ k'õp'ãero arapá bɨma, ichia pedearut'a ũri bɨẽra. Ara mãɨ jĩra mɨ sõpia bɨma ichi nãma bɨ k'orea.

Juan 3:29 Σταυροειδείς Αναφορές

Mateo 22:2

«Pajãne Bɨpa ichidirã ichi juade ua bɨt'a nãɨ jĩra bɨma: ẽpẽra minachia k'awa bɨ basima. Miak'ãipataɨ arapaapataɨ ewari oopisima ichi warra pae.

Mateo 25:1

»Pajãne Bɨpa ichidirã ichi juade ua bɨt'a nãɨ jĩra baipɨ: ãwẽrarã diez p'anasidama. Ãchicha ĩpira atadak'ari, k'ĩramá nɨne wãsidama chi ɨmɨk'ĩra miak'ãii bɨ ome ununai k'orea.

Mateo 9:15

Jesupa ãchiá jarasima: —Ɨmɨk'ĩrapa wẽra atarude ¿k'ai sõp'ua baima? Mãɨ ɨmɨk'ĩra chi ichia t'ɨ̃narã ome bɨmisa arapá p'ananaipɨ. Maamina chi ewari ará parude waapẽarã ẽpẽerãpa ichi ãyá ateewãnaipɨ. Maapaepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodai.

Juan 15:11

»Mãɨ ãarea mɨa jara bɨma mãra mɨ ome minachia arapá p'ananamẽrá.

Juan 16:24

Mãrapa waidi Tachi Ak'õrea mi ãpia pida mɨ t'ɨ̃nepa ne ididawẽa p'anɨma. Maamina mãɨya ne ididaipɨra mãɨ jitadaipɨ. Mãɨya mãra minachia arapá p'ananaipɨ.

Juan 17:13

»Naapae mɨ pɨmá wãipɨ. Maamina wapida nãɨ ĩjũane bɨde mãɨ ãarea jararuma, arapá p'ananamẽrá, mɨ pɨ ome arapá bɨ jĩra.

Juan 3:30

Ichi chi atepe bai bɨma. Mɨ k'aepe bai bɨma.

2 Corintio 11:2

Tachi Ak'õrepa ak'ɨpi bɨ jĩra mɨa mãra minachia ak'ɨ k'ɨ̃ria bɨma. Ẽpẽrapa ichi k'au k'ima tearu jĩra mɨa mãra Cristoa tea k'ɨ̃ria bɨma abapuru ichidirã p'ananamẽrá. Mɨa k'ɨ̃ria bɨma mãra ichi pae minachia pia p'ananait'a ãwẽra ɨmɨk'ĩra atua bɨ jĩra.

P'ilipense 2:2

mɨ nãɨya minachia sõpiapit'ɨ: abarik'a k'ɨ̃risia uru p'anat'ɨ, chi k'ɨ̃ria p'anat'ɨ, mãɨnepa abarik'a k'ɨ̃risiadepa jõma oot'ɨ.

1 Juan 1:4

Jõma mãɨ taipa bɨutama tachi minachia arapá p'ananai k'orea.

2 Juan 1:12

Mɨa ne minachia mãrá jara k'ɨ̃ria bɨma. Maamina nãɨ k'art'ade mãɨ ãarea bɨ k'ɨ̃riawẽma. Mɨa mãra ak'ɨde wã k'ɨ̃ria bɨma. Mãɨne mãra ome ará pedeadaipɨ minachia arapá p'ananai k'orea.

Apocalipsi 21:9

Maapae Tachi Ak'õrepa ɨt'aripa peedaɨrã p'arat'u jãjoa be siete uru p'anananepema aba mɨmá chesima. Mãɨ Tachi Ak'õrepa ɨt'aripa peedaɨrãpa ãchi p'arat'u jãjoa bede ne siete uru p'ananapa nãɨ ĩjũane be k'aadea minachia mĩapisidama. Chi mɨmá chedapa nãɨya jarasima: «Wãnama. Mɨa chi Oveja Chak'epa k'ima atait'a unupiipɨ».