Juan 17:17 - Tachi Ak'õre Pedea

¹⁷ Pɨ pedeapa pɨ piarã k'awapi bɨma. Mãɨpa ãchi aba pɨ pae pia bɨse.

Juan 17:17 Σταυροειδείς Αναφορές

Luca 8:11

Mɨa nepɨrɨda nãɨya jara k'ɨ̃ria bɨma: chi net'a tau Tachi Ak'õre pedeapɨ.

Luca 8:15

Maamina net'a tau ĩjũa piade baedapa nãɨ jara bɨma: sõ jĩp'a berãpa mãɨnepa k'ɨ̃risia pia berãpa Tachi Ak'õre pedea ũrinak'ari piarã ĩjãapatama. Ãchia ĩjãa p'anɨ itu bɨdak'a pẽra nepia oopatama.

Juan 15:3

Mɨ pedea ĩjãa p'anɨ pẽra mãra pak'uru jua jĩrak'aua t'ɨat'uda jĩra pia p'anɨrãpɨ.

Juan 17:19

Ãchi k'orea ara mɨ pɨ pae awara beeruma, ãchi sida pɨ pae awara p'ananamẽrá pɨ piarãt'a k'awa p'anɨnepa.

Juan 8:32

Mɨnepa mãrapa Tachi Ak'õre piarã k'awadaipɨ. Mãɨpa mãra chipari pae pari mimiaparí beada pari ãjã́ p'ananaipɨ.

Juan 8:40

Mɨa mãrá piarã pedea jara bɨma Tachi Ak'õrepa mɨá k'awapida jĩra. Maamina mãrapa mɨ pea k'ɨ̃ria p'anɨma. ¿Abrahanpa mãɨya oosik'ãra?

Hecho 15:9

Tachi Ak'õrepa tachi ãchi ome k'ĩra awara ooé pasima. Ãchia ĩjãasidaɨde ãchi sõ sɨɨsima.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

Ep'esio 4:21

Ũpẽarãpa chi piarã pedea Cristo k'orea pia jarateasidama, mãɨnepa piarã mãrapa ichi k'orea ũrinak'ari ĩjãasidama.

Ep'esio 5:26

Ichia mãɨya oosima tachi Tachi Ak'õre pae pia bɨi k'orea. Ichi pedeapa tachi nemietá sɨɨsima paniapa sɨɨda jĩra.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Santiago 1:21

Mãɨpuru nejõma nemietá mãɨnepa nejõma jĩp'awẽa bɨ itu bɨt'ɨ. Maapae Tachi Ak'õrepa ichi pedea mãra sõne bɨda k'ɨ̃risia piadepa ĩjãat'ɨ. Ara mãɨ pedeapa mãra Tachi Ak'õrepa ɨtɨai pada p'ue k'aripaipɨ.