Juan 15:5 - Tachi Ak'õre Pedea

⁵ »Mɨ chi uva bɨɨrɨ chi piarãpẽapɨ. Mãra chi pak'uru juapɨ. Chi mɨ ome ará be minachia chaupatama, mɨ mãra ome ará bɨ pẽra. Mãrapa mɨwẽa mi ãpia pida Tachi Ak'õre pae p'ue oodaiwẽma.

Juan 15:5 Σταυροειδείς Αναφορές

Mateo 13:21

Maamina k'arra ɨ̃rɨa p'anɨẽra tãaraa choadak'ama. Nepɨrade baeutade mãɨyawẽpɨra Tachi Ak'õre pedea ĩjãa p'anɨ k'orea ẽpẽrarãpa mĩapiutade ãchia ĩjãa p'anana itu bɨpatama.

Juan 12:24

Mɨa piarã jararuma: trigo tau ĩjũane baek'ari ya piuepɨra, aba ichi tuaba beeima. Maamina mãɨ trigo tau piuda jĩra ĩjũane beeipɨra, mãɨya bak'ari minachia chauparima.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Juan 9:33

Nãɨ ẽpẽra Tachi Ak'õrenepa chedawẽpara mi ãpia pida p'ue ne ooiwẽ pasima.

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

Romano 12:5

Ara mãɨ jĩra tachi chok'ará p'anɨmina, Cristo ome p'anɨ pẽra k'ak'ua aba bɨ jĩra p'anɨma. Mãɨya tachi jõmãɨrã k'ak'ua abaɨde ará p'anɨma.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

1 Corintio 10:16

Tachi Chipari k'ɨ̃risia p'anɨne, tachia uvaba pasude bɨ k'orea Tachi Ak'õrea sõpia bɨade adak'ari topatama. Mãɨ toutade unupipatama tachi Cristo oadepa ichi ome ará p'anɨt'a. Mãɨnepa p'ana t'oet'aada k'outade unupipatama Cristo k'ak'uade minachia mĩananepa tachi ichi ome ará p'anɨt'a.

1 Corintio 12:12

Tachi k'ak'ua aba bɨmina tachi k'ak'uade nejõma uru p'anɨma. Chi Cristo ichide ĩjãapataɨrã ome ara mãɨ jĩra p'anɨma.

1 Corintio 12:27

Ara mãɨ jĩra mãra jõma ara Cristo k'ak'ua jĩra p'anɨma. Mãra ichi k'ak'uadepemarãpɨ.

2 Corintio 13:8

Taipa chi piarã pedea p'ue k'ĩra awara oodaiwẽma, mãɨpari piarã pedea jõma oodai p'anɨma.

2 Corintio 9:10

Tachi Ak'õrepa net'a tau teaparima uudamẽrá. Nek'odai k'orea pida teaparima. Net'a tau uudamẽrá minachia tearu jĩra, ichia nejõma minachia mãrá teaipɨ waapẽarã minachia k'aripadamẽrá. Mãɨne jĩp'a oo p'anɨnepa nepia chok'ará ununaipɨ chi ne uuda minachia chaupari jĩra.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Ep'esio 5:9

Ɨnaane nipadaipɨra sõpia p'ananaipɨ, jĩp'a oodaipɨ mãɨnepa piarãnepa nipadaipɨ.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

P'ilipense 4:13

Cristodepa jõma p'ue ooipɨ ichia mɨ chaareapii bɨ pẽra.

P'ilipense 4:17

Mɨa idiwẽa bɨma mãrapa ne tea peedamẽrá, mãɨpari k'ɨ̃ria bɨma pia oo p'anɨ k'orea Tachi Ak'õrepa mãra pia k'aripait'a.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

Santiago 1:17

Ɨt'aripa Tachi Pajãnepema Ak'õrepa nejõma minachia pia k'edet'a tachiá teaparima. Ichiapuru nejõma pajãne uruapataɨ ook'oasima. Mãɨrã ewaricha abarik'a uruadak'ama. Mãɨpari Tachi Ak'õre k'ĩra awara bak'ama mãɨnepa k'ĩra awara ook'ama.

1 Pedro 2:4

Tachi Chipari Jesucristomá chet'ɨ. Ichi chok'ae bɨma mãɨnepa mawara te oopataɨ jĩra bɨma. Ẽpẽrarãpa ichi itu bɨsidama, maamina Tachi Ak'õrepa mãɨ mawara pia, neepɨa k'ɨrɨt'a jɨrɨ atasima.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.