Juan 15:22 - Tachi Ak'õre Pedea

²² »Mɨa ãchiá jarateade chedawẽpara ãchia nemietá oodada k'orea nepɨrade p'aneenaiwẽ pasima. Maamina naapae mɨ pedea ũrinana pẽra p'ue jaradaiwẽma ãchia nemietá oodada k'orea “mãɨ atua p'anasiade” adait'a.

Juan 15:22 Σταυροειδείς Αναφορές

Luca 12:46

Abaeda ichi chipari chei k'ɨ̃risiawẽa bɨde ara mãɨya bɨde cheipɨ. Mãɨ ichi pae pari mimiaparí minachia ɨtɨak'ari chi ĩjãanak'apɨɨrã ome eda jɨ̃a nɨbɨpiipɨ.

Juan 12:48

Maamina chi mɨ itu bɨrupa, chi mɨ pedea ũri k'ɨ̃riawẽa bɨpa, mãɨ Tachi Ak'õrepuru ɨtɨaipɨ. K'aadeapema ewaride Tachi Ak'õrepa k'awapiipɨ mãɨ nepɨra pará bɨt'a, mɨa jarada pedea ĩjãawẽa bɨ pẽra.

Juan 15:23

Abaɨpa mɨ unuemaa uru bɨpɨra, mɨ Ak'õre sida unuemaa uru bɨma.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 16:9

Tachi Ak'õre Jaorepa ãchiá k'awapiipɨ chi mɨne ĩjãanak'apɨɨrãpa nemietá oopataɨt'a.

Juan 19:11

Mãɨne Jesupa p'anoosima: —Tachi Ak'õrepa pɨ bɨdaépara pɨa mɨ mi ãpia pida ooiwẽ pasima. Mãɨpuru chi mɨ pɨ juade teadapa pɨ k'aepẽra nemietá atepe oosima.

Juan 9:41

Jesupa p'anoosima: —Mãra piarã tau p'ãrio p'ananapara, nemietá oopataɨ k'orea nepɨra pará p'anɨane adaiwẽ pasima. Maamina mãrapa unu p'anɨane a p'anɨ pẽra nemietaade p'anɨma.

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

Romano 1:20

Nãɨ ĩjũa oodaedapema chi ichia ooda ak'ɨ p'anɨnepa k'awa p'anɨma ichi chi ewaricha ne ãarea p'ue oo bɨt'a mãɨnepa ichi Tachi Ak'õret'u. Mãɨ ãarea ooda ak'ɨ p'anɨnepa, ẽpẽrarãpa chi Tachi Ak'õre ẽpẽerãpa ne p'ue oodak'apɨ́ mãɨ pia unupatama. Mãɨ k'orea chi nemietá oopataɨrãpa p'ue atua p'anɨane adaiwẽa p'anɨma.

Romano 2:1

Mãɨya bɨde abaɨ pida k'ɨ̃risiaiwẽa bɨma Tachi Ak'õre k'ĩrari nepɨra pará bɨwẽt'a. Chi atepe jĩp'a oo bɨade a bɨpa mãɨya k'ɨ̃risiaiwẽa bɨma. Abaɨpa nemietá oo bɨade a jararude ara ichi k'orea jara bɨma, ichia pida abarik'a mãɨ jĩra oopari pẽra.

Santiago 4:17

Chi pia oo k'awa bɨpa mãɨya oowẽpɨra, nemietá oo bɨma.

1 Pedro 2:16

Mãra jɨ̃ uru p'anana jĩra bɨdepema Cristopa k'ẽet'aasi pẽra, mãɨya nipat'ɨ. Maamina mãɨya ãjã́ pari p'anɨ pẽra k'ɨ̃risiarãt'ɨ nemietá oodai k'orea. Mãɨpari Tachi Ak'õre pae pari mimiapataɨrã jĩra p'anat'ɨ.