Juan 13:31 - Tachi Ak'õre Pedea

³¹ Juda wãk'ari Jesupa jarasima: —Naapae Tachi Ak'õrepa unupiipɨ mɨ, chi Ẽpẽra Warra chi choma bɨt'a. Mãɨ awara mɨnepa Tachi Ak'õrepa unupiipɨ ara ichi chi choma bɨt'a.

Juan 13:31 Σταυροειδείς Αναφορές

Mateo 8:20

Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Luca 12:50

Maamina mãɨ naena mɨ minachia mĩa bɨma. Mãɨpuru ãarea sõp'ua baparima mãɨ ewari parudea.

Juan 11:4

Mãɨ pedea ũriside Jesupa jarasima: —Lázaro piuiwẽma, maamina mãɨ k'ɨdade bɨ, ẽpẽerãpa k'awadamẽrá Tachi Ak'õre mãɨnepa chi Warra ãchi chi chomarãpɨ.

Juan 12:23

Mãɨne Jesupa jarasima: —Ewari ará pasima. Tachi Ak'õrepa mɨ, chi Ẽpẽra Warra chi Choma bɨipɨ.

Juan 12:28

Mãɨpari jararuma: Ak'õre, mãɨ mɨ mĩarunepa ãareaɨrã́ k'awapise pɨ chi Choma bɨt'a. Mãɨne ẽpẽerã arí p'anɨrãpa pedea pajãne ũrisidama. Mãɨ pedeapa jarasima: «Mɨa naena k'awapisima mɨ chi Choma bɨt'a mãɨnepa mãicha k'awapiipɨ».

Juan 14:13

Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ.

Juan 16:14

K'awapiipɨ mɨ chi choma bɨt'a, mɨ pedea ũrik'ari ãarea mãrá jarateai pẽra.

Juan 7:39

Jesupa makɨɨdepa k'awapisima chi ichide ĩjãautapa Tachi Ak'õre Jaore atadait'a. Mãɨ ewaride Tachi Ak'õre Jaore waidi chewẽa basima Jesú waidi pajãnea wãwẽa badadeepuru.

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

Ep'esio 1:12

Mãɨya oosima tai judiorã chi naa Cristode ĩjãanaanarãpa ichi pia bɨ k'orea pia pedeadamẽrá.

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

Ep'esio 3:10

Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

P'ilipense 2:11

Mãɨne jõmãɨrãpa Jesucristo jõmãɨrã Chipariade a jaradaipɨ mãɨnepa Tachi Pajãnepema Ak'õrea pia pedeadaipɨ.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.