Juan 13:18 - Tachi Ak'õre Pedea

¹⁸ »Mɨa mãɨ mãrá ãarea jarawẽa bɨma, mɨa jɨrɨ atadaɨrã sãmaasã́ bet'a k'awa bɨ pẽra. Maamina mɨa jararuma Tachi Ak'õre pedeade bɨ bɨ jĩra piarã mãɨyamẽrá: “Chi mɨ ome nek'o bada, mɨ ome chi nek'ĩramá beesima”.

Juan 13:18 Σταυροειδείς Αναφορές

Mateo 10:36

Mãrapa mɨne ĩjãa p'anɨ k'orea piarã machi tiida chi nek'ĩramá beadaipɨ.

Mateo 26:21

Nek'omaa p'anɨne ichia jarasima: —Mɨa piarã jararuma: aba mãranepemapa mɨ jitapiipɨ.

Mateo 26:23

Ichia p'anoosima: —Chi mɨ ome p'arat'u aba bɨde nek'omaa bɨpa mɨ jitapiipɨ.

Marco 14:17

K'iuk'ari Jesú, chi ichi ome p'ɨrrɨapataɨrã doce p'anɨ ome chesidama.

Marco 14:18

Mãɨ suak'a p'aneenak'ari nek'omaa p'anɨne Jesupa jarasima: —Mɨa piarã jararuma: aba mɨ ome nek'omaa bɨpa mɨ jitapiipɨ.

Marco 14:20

Jesupa jarasima: —Aba mãra docedepemarãpa mɨ ome p'arat'u aba bɨde chi p'ana ará bek'eak'ari k'o bɨpa, mãɨpa mɨ jitapiipɨ.

Luca 22:21

Maamina chi mɨ jitapii bɨt'a nãma mɨ ome nek'omaa bɨma.

Juan 13:21

Mãɨya jarak'ari Jesú minachia sõp'ua beesima. Mãɨya bɨde nãɨya jarasima: —Mɨa piarã jararuma: aba mãranepemapa mɨ jitapiipɨ.

Juan 13:22

Ichi ome p'ɨrrɨapataɨrã abarik'a chi ak'ɨ p'aneesidama, k'ai jara bɨt'a k'awadawẽa p'anana pẽra.

Juan 13:26

Jesupa p'anoosima: —Chi mɨa p'ana p'arat'ude bek'eak'ari abaɨa tearua, mãɨ ichipɨ. Ara mãɨne p'ana p'arat'ude bek'eak'ari Jesupa Simón Iscariote warra Judá teasima.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Juan 15:25

Mãɨya p'anɨma ara ãchi Moisepa bɨdade jara bɨ jĩra. Nãɨya jara bɨma: “Mɨ nepɨra newẽa bɨt'a unuemaasidama”.

Juan 17:12

Mɨ nãma basi ewarimisa pɨ jua chaareadepa mɨa ãarea pɨa teadaɨrã ak'ɨ basima. Ãchidepemarã mi ãpia pida atuaé pasima. Abapuru chi atuai badat'a atuasima Tachi Ak'õre pedea jara bɨ jĩra piarã mãɨyamẽrá.

Juan 18:32

Ara chi judiorãpa mãɨya pedeasidama Jesupa naena jara bada jĩra. Ichia jara basima sãmaasã́ piui bɨt'a.

Juan 19:24

Mãɨne papaká berãpa ãchi tuaba jarasidama: —Nãɨ k'õanaiwẽma. Pia bɨma nãɨ k'orea ne jemenanai, mãɨ k'aipa jitai k'awayá. Ara mãɨya mãɨt'u chi ãchia oosidama. Mãɨyasima Tachi Ak'õre pedeade naena bɨda jĩra: «Mɨa ɨ̃rɨa anamari jɨ̃ bada ãchicha jedasidama; mãɨnepa mɨa neet'á ek'ari jɨ̃ bada atadai k'orea jemenasidama».

Juan 19:36

Ãarea mãɨ piarã mãɨyasima Tachi Ak'õre pedeade bɨ bɨ jĩra. Nãɨya bɨ bɨma: «Ichi bɨɨrɨ aba pida bɨap'et'adaé pasima».

Juan 21:17

Jesupa mãicha idisima: —Simón, Joná warra, ¿mɨ k'ɨ̃ria bɨk'ãra? Mãɨpa bari k'ak'o ũpea idi basima. Pedro k'ĩra piawẽa nɨbeesima, Jesupa bari k'ak'o ũpea abarik'a idida pẽra. Maapae ichia jarasima: —Mɨ Chipari, pɨa ne ãarea k'awa bɨma. Pɨa k'awa bɨma mɨa pɨ k'ɨ̃ria bɨt'a. Jesupa jarasima: —Chi mɨne ĩjãa berã minachia ak'ɨ base oveja chak'erã ak'ɨpari jĩra.

Juan 6:70

Jesupa jarasima: —Mɨa mãra doce jɨrɨ atasima, mɨ ome p'ɨrrɨadamẽrá. Maamina mãranepema aba tioredepɨ.

Hecho 1:16

«Ũpẽarã, naena Tachi Ak'õre Jaorepa Judapa ooi bɨ k'orea Davia bɨpisima. Tachi Ak'õre pedeade bɨ bɨ jĩra piarã mãɨyai bada pẽra Judapa ẽpẽerã ateewãsima Jesú jitadamẽrá.

Hecho 1:2

Tachi Ak'õrepa mãɨ pajãnea ateewãrunea. Pajãnea wãi naena ichia peedaɨrã́ Tachi Ak'õre Jaoredepa jarateasima k'ãre oodai p'anɨt'a. Mãɨrã ichia jɨrɨ atada pasima.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

Hebreo 4:13

Tachi Ak'õrepa ne ãarea unuparima. Chi ichia unuwẽa bɨ newẽma. Ichia ooda mãɨnepa tachia mẽra uru p'anɨt'a pia unu bɨma. Ichia tachi ak'ɨrude jõma tachia oodada ichiá jaradai p'anɨma.

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.