Juan 12:2 - Tachi Ak'õre Pedea

² Mãma chik'o pia oodak'ari, Jesua nek'opisidama. Martapa jeda basima mãɨnepa Lázaro waapẽarã paara Jesú ome nek'omaa basima.

Juan 12:2 Σταυροειδείς Αναφορές

Mateo 26:6

Mãɨ ewaride Jesú Betania p'uurude Simón aida jita bada temá basima.

Marco 14:3

Mãɨ ewaride Jesú Betania p'uurude chi Simón aidapa k'ɨdade bada tede basima. Nek'opataɨde suak'abari bɨde wẽra ichimá chesima. Mãɨ wẽrapa pot'eya alabastro mawara ooda enemeesima. Pot'eya nardo k'era chi ichiawa, chi neepɨa bɨt'a ipiru basima. Mãɨne wẽrapa chi pot'eya obɨɨrɨ beet'aak'ari, maapae k'era Jesú poro ɨ̃rɨ weasima.

Luca 12:37

Chi chipari chek'ari, chi ichi pae pari mimiapataɨrã chok'ae p'anɨ unuipɨra, ãchi pia ak'ɨipɨ. Mɨa piarã jararuma: ara mãɨne chi chiparipa chi ichi pae pari mimiaparí neet'á jɨ̃k'ari ichi pae pari mimiapataɨrã chik'o k'opataɨde suak'abari beepiipɨ, ãchiá nek'opii k'orea.

Luca 14:12

Maapae Jesupa ichi t'ɨ̃ná nãɨya jarasima: —Pɨa ẽpẽrarã nek'ode t'ɨ̃ peerude pɨ k'õp'ãerorã, pɨ ũpẽarã, pɨ ẽpẽrarã wa pɨ te k'ait'a p'anaparí erreara pará berã sida t'ɨ̃rãse. Ãchia pɨ p'ue t'ɨ̃ peepatama, nek'ode wãmẽrá. Mãɨya pɨa ooda k'orea pari ne unuipɨ.

Luca 22:27

Ẽpẽrarãmá ¿k'ai chi atepe bɨ: chik'o k'opataɨde suak'abari bɨ nek'oyá mãɨyawẽpɨra chi chik'o jedaparí? ¿Chi chik'o k'opataɨde suak'abari bɨ chi atepe bɨwẽk'ãra? Mãɨt'u, mɨ chi atepe bɨmina nãma mãra t'ãena machi pae pari mimiaparí jĩra bɨma.

Luca 5:29

Maapae Jesú k'orea Levipa ichi tede chik'o waibɨa oopisima. Chok'ará Romanepema pae erreara jɨrɨp'epataɨrã mãɨnepa waapẽarã ẽpẽrarã ãchi ome nek'o p'anasidama.

Apocalipsi 3:20

¡Ũrit'ɨ! Mɨ tede eda wãpataɨde bɨma. Awaraɨdepa t'ɨ̃ bɨma mãrapa ewadak'ari mɨ itu eda wãpidamẽrá. Parituapa mɨ pedea ũrik'ari chi eda wãpataɨ ewaipɨra, mɨ eda wãk'ari ichi ome nek'oipɨ.