Juan 12:13 - Tachi Ak'õre Pedea

¹³ Mãɨpuru ãchia p'ãara k'irú jĩra bet'a t'ɨɨdak'ari ichiá pia pedeade wãsidama. Nãɨya jĩk'ua jarasidama: «¡Minachia pia bɨma! ¡Minachia pia bɨma chi Tachi Chipari t'ɨ̃nepa cherut'a! ¡Pia bɨma chi Israeldepema Poro jũra jɨ̃parí jɨ̃ bɨt'a!»

Juan 12:13 Σταυροειδείς Αναφορές

Mateo 23:39

Mɨa jara bɨma: mãrapa mɨ waa ununaiwẽma nãɨya jarautamá: “¡Minachia pia bɨma chi Tachi Chipari t'ɨ̃ne cherut'a!”».

Mateo 27:42

—Ichia waapẽarã k'aripasima, maamina ara ichi tuaba p'ue k'aripawẽma. Ichi Israeldepema poro jũra jɨ̃parí jɨ̃ bɨpɨra, nãɨena jãɨ k'urusudepa edá chese. Mãɨyara ĩjãanaipɨ.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Juan 12:14

Mãɨne Jesupa mũra k'aepea unuk'ari ya mãɨ ɨ̃rɨ suak'abari beesima. Mãɨyasima Tachi Ak'õre pedeade jara bɨ jĩra:

Juan 12:15

«Sión p'uurudepemarã, wap'earãt'ɨ. Ak'ɨt'ɨ, mãra Poro jũra jɨ̃parí jɨ̃ bɨ mũra chak'e ɨ̃rɨ cheruma».

Juan 19:15

Maamina ãchia jĩk'ua jarasidama: —¡Ateewãpik'ari, peapise! ¡Ateewãpik'ari, peapise! ¡K'urusude barijira bɨk'ari, peapise! Mãɨ k'orea Pilatopa jarasima: —¿Mãɨyara mɨa mãra poro jũra jɨ̃parí jɨ̃ bɨ k'urusude barijira bɨk'ari, peapiik'ãra? Mãɨne p'aarerã chi mãɨrã chaarearãpa p'anoosidama: —¡Taipa poro jũra jɨ̃parí jɨ̃ bɨ awara newẽma! ¡Abapuru uru p'anɨma tachi romanepema chi atepe poro chaarea bɨt'a!

Apocalipsi 15:3

Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 19:16

Ichi anamari jɨ̃ bɨde ichi mak'ara ɨ̃rɨ nãɨ t'ɨ̃ bɨ uru bɨma: «Jõmãɨrã poro jũra jɨ̃parí jɨ̃ p'anɨrã k'aepẽra ichit'u chi Atepe Bɨpɨ» ichiaba «Jõmãɨrã chiparirã k'aepẽra ichit'u chi Atepe Bɨpɨ».

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.