Juan 11:54 - Tachi Ak'õre Pedea

⁵⁴ Mãɨpuru Jesú judiorã t'ãena nipak'a pasima, mãɨpari Judeadepema ãyá wãsima. Ep'raín p'uurude ichi ome p'ɨrrɨapataɨrã ome bade wãsima. Mãɨ p'uuru ĩjũa pania newẽa bɨ k'ait'a bɨma.

Juan 11:54 Σταυροειδείς Αναφορές

Juan 10:40

Mãɨya nak'ari Jesú mãicha Jordán k'ĩrari wãsima Juan chi Porochoaparipa naa ẽpẽerã porochoa badamá. Jesú mãma beesima.

Juan 18:20

Mãɨne Jesupa p'anoosima: —Mɨ ãareaɨrã k'ĩrari jĩp'a pedea basima. Mɨa jaratea basima tachi ará pedeapataɨ techa mãɨnepa Tachi Ak'õre te eda, tachi judiorã ãarea ará chedak'ari pedeapatamá. Mi ãpia pida mẽra jaraé pasima.

Juan 7:1

Mãɨya nak'ari Jesú Galilea tuade p'ɨrrɨa nipasima. Judea tuadea wã k'ɨ̃riaé pasima judiorã chi minachia k'awa p'anɨrãpa peadayá oo p'anasi pẽra.

Juan 7:10

Mãɨne Jesú ũpẽarã mãɨ arapaapataɨ ewari oomaa p'anɨmá wãsidama. Mãɨya nak'ari Jesú wãsima. Maamina k'ĩup'ea wãsima ẽpẽerã́ k'awapidaemaapa.

Juan 7:13

Maamina judiorã chi minachia k'awa p'anɨrã wap'ea p'anɨ pẽra mi ãpia pida Jesú k'orea jĩk'ua pedeadak'a pasima.

Juan 7:4

Chi ẽpẽerãpa ichi k'awapii k'ɨ̃ria bɨpɨra ne mẽra ooiwẽa bɨma. Pɨa ẽpẽerãpa ne p'ue oodak'apɨ́ oo bɨt'a ãareaɨrã taade oose, ãchia pɨ k'awadamẽrá.