Juan 11:52 - Tachi Ak'õre Pedea

⁵² Maamina abapuru judiorã k'orea piuiwẽ pasima, mãɨpari ãarea Tachi Ak'õre warrarã nãɨ ĩjũane awara awará be p'uuru aba bɨi k'orea.

Juan 11:52 Σταυροειδείς Αναφορές

Luca 15:8

»Wẽrapa erreara tau diez uru badadepema aba atuaipɨra, ¿ĩpira k'oak'ari ichi tejãne parrek'ari pia jɨrɨiwẽk'ãra aba chi erreara tau unurunea?

Luca 2:32

Ichi ɨnaa jĩra baipɨ judiorãwẽpa pɨ k'orea k'awadamẽrá. Ichi k'orea, pɨ p'uuru Israel k'orea pia jaradaipɨ».

Juan 1:12

Maamina chi ichi jitadaadarãpa ichide ĩjãasidama. Mãɨpuru ichia ãchi bɨsima Tachi Ak'õre warrarã p'ananamẽrá.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Juan 12:32

Mɨ ɨt'ɨ barijira bɨutade mɨa ãareaɨrã ara mɨchimá enemeeipɨ mɨne ĩjãanamẽrá.

Hecho 18:10

Mɨ pɨ ome bɨma. Abaɨ pida pɨ p'ue piawẽa ooiwẽma, mɨa ẽpẽerã minachia nãɨ p'uurude uru bɨ pẽra».

Romano 3:29

Mãɨyawẽpɨra ¿Tachi Ak'õre abapuru chi judiorã ãchi Ak'õrek'ãra? ¿Ichi chi judiorãwẽ Ak'õrewẽk'ãra? Piarã ichi chi judiorãwẽ Ak'õrepɨ,

Romano 4:17

Tachi Ak'õre pedeade nãɨya bɨ bɨma: «Mɨa pɨ bɨsima chok'ará p'uuru be ak'õre bamẽrá». Piarã Tachi Ak'õre k'ĩrari Abrahán jõma tachi, chi Tachi Ak'õrene ĩjãa berã ak'õrepɨ. Abrahanpa ĩjãa basima chi piudada chok'ae p'irabaripiparí mãɨnepa chi nenea bɨdepa ne ooparí Tachi Ak'õrene.

Ep'esio 3:11

Mãɨya oosima ichia naenaena Tachi Chipari Jesucristodepa ooi k'ɨ̃risia bada pẽra.

Santiago 1:1

Mɨ Santiagopɨ, Tachi Ak'õre pae pari mimiaparí mãɨnepa Tachi Chipari Jesucristo pae pari mimiaparí. Nãɨ k'art'a bɨruma Israeldepema doce warrarãnepema chedaadarã tuacha berã pae. Mɨa k'ɨ̃ria bɨma mãra pia p'ananamẽrá.

1 Pedro 1:1

Mɨ Pedro, Jesucristopa peedapɨ. Mɨa nãɨ k'art'a bɨruma Tachi Ak'õrepa jɨrɨ atadaɨrã Ponto tuade, Galacia tuade, Capadocia tuade, Asia tuade, Bitinia tuade mãɨnepa chi tua awaraɨrãnepa chedak'ari p'anɨrã pae.

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.