Juan 11:47 - Tachi Ak'õre Pedea

⁴⁷ Mãɨpuru p'ariseorã mãɨnepa p'aarerã chi chaarearãpa ara ãchi paara t'ɨ̃ peedak'ari, pedea ausidama. Nãɨya jarasidama: —Tachia ¿k'ãre oodaima? Mãɨ ẽpẽrapa ne p'ue oodak'apɨ́ minachia oo bɨma.

Juan 11:47 Σταυροειδείς Αναφορές

Mateo 26:3

Mãɨmisa judiorã chaarearã, Moisepa bɨda jarateapataɨrã mãɨnepa p'aarerã chi mãɨrã chaarearã Caip'á te chomane ãarea ará jere nɨbeesima. Mãɨ Caip'á p'aare minachia k'awa bɨ basima.

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Marco 14:1

Ewari ume parude judiorãpa Egitodepa wãnana k'ɨ̃risiapataɨ ewari oodai pasima. Mãɨ arapaapataɨ ewaride p'ana ooropiparí newẽa k'opatama. Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrã ome k'ɨ̃risia jɨrɨ p'anasidama Jesú k'ĩup'ea jitadak'ari peapidai k'orea.

Luca 22:2

Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrãpa Jesú peadai k'orea k'ɨ̃risia p'anasidama. Maamina p'uurudepemarã wap'ea p'anɨ pẽra ãarea taade mẽra oo k'ɨ̃ria p'anasidama.

Juan 11:57

Maamina p'aarerã chi mãɨrã chaarearãpa mãɨnepa p'ariseorãpa jarasidama parituapa Jesú unusira jarai bɨma ichi jitadamẽrá.

Juan 12:19

Mãɨne p'ariseorãpa ara ãchi tuaba jara p'anasima: «¡Ak'ɨt'ɨ! Ãareaɨrã ichi k'aade wãutama. Mãɨpuru chi tachia k'ɨ̃risiadada ichi k'orea mãɨ p'ue oodaiwẽma».

Juan 2:11

Mãɨ ẽpẽerãpa ne p'ue oodak'apɨ́ naa ooda Jesupa Caná p'uurude Galilea ĩjũane oosima. Mãɨnepa chi ichi minachia atepe bɨt'a unupisima. Mãɨya ichi ome p'ɨrrɨapataɨrãpa ichide piarã ĩjãasidama.

Juan 6:2

Jesupa ẽpẽerãpa ne p'ue oodak'apɨ́ oo bɨdepa k'ɨdade berã jɨpa beepik'oasima. Chok'ará ẽpẽerãpa mãɨ unu p'anana pẽra ichi k'aade wãsidama.

Juan 7:32

P'ariseorãpa k'awasidama ẽpẽerãpa Jesú k'orea wawaria pedea p'anɨt'a. Mãɨ k'orea ãchia mãɨnepa chi p'aarerã minachia k'awapataɨrã pida Tachi Ak'õre te ot'eapataɨrã peesidama Jesú jitade wãnamẽrá.

Juan 7:45

Chi Tachi Ak'õre te ot'eapataɨrã jĩitea chedak'ari, p'ariseorã mãɨnepa p'aarerã chi mãɨrã chaarearãpa ãchiá idisidama: —¿K'ãre k'orea ichi enemeenaé pasima?

Hecho 5:21

Ãchia ũrinana ĩjãasidama. Norema tap'ede Tachi Ak'õre te minachia bɨdea wãnak'ari jaratea p'aneesidama. Mãɨmisa chi p'aare minachia k'awa bɨpa mãɨnepa chi ichidirã ome p'anɨrãpa Israeldepema chõarã t'ɨ̃sidama ará posoa pedea p'ananai k'orea. Maapae chi Jesupa peedaɨrã chi ẽpẽerã jɨ̃a nɨbɨpataɨ tedepema enemeepisidama.

Hecho 5:24

Mãɨ pedea ũrisidaɨde Tachi Ak'õre te minachia bɨdepema ot'eapataɨrã chi atepe bɨpa mãɨnepa chi p'aarerã chi mãɨrã chaarearãpa k'awa k'ɨ̃risiadaé pasima mãɨnepa k'awadaé pasima mãmãɨpa naa sãmaasã́ beeit'a.