Ep'esio 2:3 - Tachi Ak'õre Pedea

³ Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Ep'esio 2:3 Σταυροειδείς Αναφορές

Marco 4:19

Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra.

Juan 1:13

Ãchi Tachi Ak'õre warrarã padaé pasima ãchi naepa t'õnanepa wa tachia k'ɨ̃ria p'anananepa. Mãɨpari Tachi Ak'õrepuru ichi warrarã papisima.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Hecho 14:16

Naena Tachi Ak'õrepa ichi atua be p'uurudepemarã́ ara ãchia oo k'ɨ̃ria p'anɨt'a itu oopipachima.

Romano 1:24

Mãɨ k'orea Tachi Ak'õrepa itu bɨsima ãchi sõne nemietá oo k'ɨ̃ria bɨt'a oodamẽrá. Mãɨpuru k'ĩra p'era oo p'aneesidama.

Romano 11:30

Mãra judiorãwẽpa naena Tachi Ak'õrene ĩjãanak'a pasima. Maamina judiorãpa ĩjãanawẽa p'anɨ pẽra naapae Tachi Ak'õrepa mãra k'ĩra chupuria bɨma.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Romano 2:14

Judiorãwẽpa mãɨ Moisepa bɨda atua p'anɨmina ãchi k'ɨ̃risiadepa mãɨ Moisepa bɨdade jara bɨ jĩra edaɨde oopatama. Mãɨya ooutade, unupipatama ãchia k'awa p'anɨt'a k'ãret'u pia wa k'ãret'u nemietá.

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

Romano 5:9

Cristo oa ãrinanepa Tachi Ak'õrepa tachi chi ichidirã jĩp'a berã paara bɨparima. Mãɨpuru Cristodepa Tachi Ak'õrepa tachi ɨtɨai pada piarã k'aripaipɨ.

Romano 6:12

Mãɨpuru nemietá itu mãra chipari papirãt'ɨ. Mãɨya mãra k'ak'ua piui bɨpa nemietá oo k'ɨ̃ria bɨt'a mãrapa waa oodaiwẽma.

Romano 7:18

Mɨa k'awa bɨma mɨ sõne nepia newẽma. Pia jaraipɨra, mɨ nãɨ k'ak'uade bɨ pẽra ara mɨchia k'ɨ̃ria bɨdepa nepia p'ue ook'ama. Mɨa pia oo k'ɨ̃ria bɨmina p'ue ook'ama.

Romano 9:22

Ara mãɨ jĩra Tachi Ak'õrepa oo k'ɨ̃rianat'a nãɨya oosima. Ẽpẽrarãpa nemietá oo p'anɨ k'orea Tachi Ak'õrepa ichi k'ĩruupidepa mãɨnepa ichi chaareadepa ãchi ɨtɨak'ari t'ɨpɨ uruadea jira peei pasima. Maamina ãchia nemietá oo p'anɨt'a ãarea choasima.

1 Corintio 4:7

¿K'aipa pɨ waapẽarã k'aepẽra atepe pia bɨsima? Tachi Ak'õrepa teada awara ¿pɨa k'ãre uru bɨma? Pɨa Tachi Ak'õrenepa nejõma jitadapɨra, ¿k'ãre k'orea ara pɨchi tuaba jitada jĩra pedea bɨma?

2 Corintio 7:1

Ũpẽarã, Tachi Ak'õrepa tachiá mãɨ jõma ooyade ada pẽra nãɨ k'ak'uapa nemietá ooparí mãɨnepa tachi k'ɨ̃risiadepa nemietá k'ɨ̃risiaparí jõma itu bɨdai p'anɨma. Tachi Ak'õre minachia wap'ea p'anɨnepa ichi pae pia p'ananai p'anɨma.

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

Colosense 1:21

K'achia oo p'anɨnepa mãra naena Tachi Ak'õrenepema awara p'anasidama mãɨnepa piawẽa k'ɨ̃risia p'anɨnepa Tachi Ak'õre nek'ĩramá p'anasidama.

1 Tesalonicense 4:13

Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

1 Tesalonicense 5:6

Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

1 Timoteo 6:9

Maamina erreara minachia uru k'ɨ̃ria berãpa nejõma awaa p'anɨnepa k'achiade baepatama. Chi ne tachi k'aripak'aɨ mãɨnepa ne tachi nemietá oopataɨ k'ɨ̃ria p'anɨnepa k'achiade p'aneepatama ãnimara k'idap'ede baeda jĩra. Mãɨne ãchi ãarea chichupuria p'aneepatama, toeda t'aawãru jĩra.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Pedro 1:14

Warra chok'ea bɨ jĩra p'anat'ɨ. Nãɨ k'ak'uapa nemietá oo k'ɨ̃ria bɨt'a waa oorãt'ɨ, Tachi Ak'õre atua p'anasidaeda oopachidaɨ jĩra.

2 Pedro 2:14

K'ima awaraɨ ome k'ãii k'orea p'anapatama. Nejõma nemietá oo p'anɨpa k'ĩra sẽnak'ama. Chi minachia ĩjãawẽa berã seapatama. Nejõma k'ɨ̃riapatama. Mãɨ k'orea Tachi Ak'õrepa ãchi ɨtɨaipɨ.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

1 Juan 2:16

Nãɨ ĩjũanepema nemietá nãɨpɨ: nãɨ k'ak'uapa nemietá oo k'ɨ̃riapari, tachi taupa unu bɨt'a k'ɨ̃riapari, mãɨnepa tachia uru p'anɨ k'orea wa oo p'anɨ k'orea ara tachi waapẽarã k'aepẽra atepe p'anɨ jĩra k'ɨ̃risiapari. Jõma mãɨ Tachi Pajãnepema Ak'õrenepemawẽma, mãɨpari nãɨ ĩjũa nemietaadepemapɨ.

1 Juan 2:8

Maamina chi mɨa bɨ bɨt'u chiwidi jĩra bɨma Cristopa ooda pẽra mãɨnepa mãra pida piarã oo p'anɨ pẽra. Chi nãɨ chiwidi bɨt'a p'ãrio jõpodo jĩra bɨma, mãrapa nemietá itu bɨpodouta pẽra. Ichiaba piarã ɨnaapodo jĩra bɨma, mãrapa k'ɨ̃ria p'anɨnepa jĩp'a oopodouta pẽra.