Apocalipsi 7:15 - Tachi Ak'õre Pedea

¹⁵ Mãɨpuru Tachi Ak'õre suak'a beeparí auk'ará bɨ k'ĩrari p'anɨma. Ãst'á mãɨnepa teamasi pida Tachi Ak'õre tede ichi pae ne oopatama. Mãɨ suak'a beeparí auk'ará bɨde suak'abari bɨ ãchi ome baipɨ.

Apocalipsi 7:15 Σταυροειδείς Αναφορές

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Hebreo 8:1

Chi k'ɨ̃risia taipa minachia jara p'anɨt'a nãɨpɨ: tachi P'aare minachia k'awa bɨ pajãne Tachi Ak'õre suak'a beeparí auk'ará bɨde juaraari suak'abari bɨma,

Apocalipsi 11:19

Maapae Tachi Ak'õre te minachia bɨ pajãne bɨ ewasima. Mãma chi Tachi Ak'õrepa oopida baulte mɨa unusima. Mãɨne pa wiwirá nɨbeesima, pa bae nɨbeesima, mãɨnepa minachia jĩk'ua bae nɨbeesima. Nãɨ ĩjũa ore nɨbeesima mãɨnepa hielo k'oe jĩra bae nɨbeesima.

Apocalipsi 13:6

Mãɨne ichia Tachi Ak'õre k'orea k'achia pedeapachima, ichi t'ɨ̃ k'orea, chi Tachi Ak'õre bɨmaapema k'orea, mãɨnepa chi jõmãɨrã pajãne p'anɨ k'orea.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Apocalipsi 21:22

Mãɨ p'uurude Tachi Ak'õre te minachia bɨt'a mɨa unué pasima newẽ pẽra. Tachi Chipari, chi Ne Ãarea P'ue Bɨ Tachi Ak'õre k'ĩrari mãɨnepa Oveja Chak'e k'ĩrari ẽpẽerãpa pia pedeadaipɨ ichi te atepe bɨde oopachida jĩra.

Apocalipsi 22:3

Chi Tachi Ak'õrepa mietá bayade a badat'a chi p'uurude nea baipɨ. Tachi Ak'õre mãɨnepa chi Oveja Chak'e suak'a beeparí auk'ará bɨ chi p'uurude baipɨ. Mãma chi Tachi Ak'õre pae pari mimiapataɨrãpa ichiá pia pedeadaipɨ.

Apocalipsi 22:5

Mãma waa k'iu baiwẽma. Tachi Ak'õre Chiparipa ɨnaapii bɨ pẽra, ĩpirawẽa mãɨnepa ɨmatawẽa ẽpẽerã pia p'ananaipɨ. Ewaricha ãchi ichi ome ará chi poro jũra jɨ̃parí jɨ̃ p'anɨrã p'ananaipɨ.

Apocalipsi 4:4

Mãɨnepa veinticuatro suak'a beeparí auk'ará p'anɨt'a jũra p'anasima. Chi mãɨ ɨ̃rɨ suak'a p'anasima chi chõarã 24 p'anɨt'a. Ãchi neet'á t'ot'oa beasima. Mãɨnepa poro jũra jɨ̃parí nee ooda jɨ̃ p'anasima.

Apocalipsi 4:8

Chi mãɨrã ãchi k'ak'awá ĩk'arra sei uru beasima. Ãchi k'ak'ua ãarea tau pará beasima. Chi ĩk'arra ek'ari pida tau ãarea beasima. Ãst'á mãɨnepa teamasi pida sẽnawẽa pedeadepa nãɨya jarapachidama: «Minachia pia bɨma, minachia pia bɨma, minachia pia bɨma Tachi Chipari, chi Ne Ãarea P'ue Bɨ Tachi Ak'õre». Ichipɨ, ichi naena basima mãɨnepa ichi chei bɨpɨ.

Apocalipsi 4:9

Chi Tachi Ak'õre ewaricha chok'ae bɨ chi ichi suak'a beeparí auk'ará bɨde suak'a bɨma. Ara mãɨne chi ẽpẽra jĩra chok'ae bepa jara p'anɨma ichi auk'ará bɨma, ichiá pia pedea p'anɨma mãɨnepa ichiá sõpia p'anɨane a p'anɨma. Mãɨ jarautacha chi chõarã 24 p'anɨpa Tachi Ak'õre naa sĩraporode k'op'aneenak'ari chi ewaricha chok'ae bɨa pia bɨade apatama. Ãchi poro jũra jɨ̃pataɨ wẽanak'ari chi suak'a beeparí auk'ará bɨ taade bɨdak'ari nãɨya jarapatama:

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.