Apocalipsi 3:17 - Tachi Ak'õre Pedea

¹⁷ Ara machi ɨbɨarãane a p'anɨma, ne ãarea uru p'anɨane a p'anɨma, mãɨnepa mãɨ ne ãpia pida newẽawẽa bɨade a p'anɨma. Maamina atua p'anɨma ara machi chichupuria p'anɨt'a, piawẽa p'anɨt'a, nenea p'anɨt'a, tau p'ãrio p'anɨt'a mãɨnepa ãk'adá p'anɨt'a.

Apocalipsi 3:17 Σταυροειδείς Αναφορές

Mateo 5:3

«Pia p'anɨma mãra chi chichupuria berã k'awa p'anɨrã, mãɨ Tachi Ak'õrepa mãra ichi juade ua bɨẽra.

Mateo 9:12

Ãchia mãɨya idiuta Jesupa ũrik'ari jarasima: —K'ak'ua pia berãpa nẽará teaparí jɨrɨdak'ama. Mãɨt'u chi k'ak'ua piawẽa berãpa jɨrɨpatama.

Luca 1:53

Chi nenea k'edea nejõma pia teasima, maamina chi minachia uru beadá jua k'ak'uá ãyá wãpik'oasima.

Luca 6:24

“Maamina chupuri p'aneenaipɨ mãra chi erreara pará berã, nãɨ ewaridepuru sõ arapá p'anɨ pẽra.

Romano 11:20

Piarã mãɨya bɨma. Maamina Tachi Ak'õrepa ãchi itu bɨsima Cristode ĩjãanaé pasi pẽra. Maapae mãra jɨrɨ atasima Cristode ĩjãanana pẽra. Mãɨ k'orea mãra judiorã k'aepẽra pia be k'ɨ̃risiarãt'ɨ, mãɨpari Tachi Ak'õre wap'ea p'anat'ɨ.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

Romano 7:24

¡Mɨ chupuri bɨma! ¿K'aipa mɨ nãɨ k'ak'ua chi piui bɨdepema pari ãjã́ bɨima?

2 Pedro 1:9

Maamina chi mãɨya oowẽa bɨt'a tau t'aua bɨ jĩra bɨma wa tau p'ãrio bɨ jĩra bɨma. Ichia k'ɨ̃risia atuasima chi naena nemietá oo bada Tachi Ak'õrepa jõma sɨɨsit'a.

Apocalipsi 16:15

Ãchia chi hebreo pedeade Armagedón apataɨ ĩjũanea chi poro jũra jɨ̃parí jɨ̃ p'anɨrã ateewãsidama. «¡Tau pará p'anat'ɨ! Mɨ nechɨaparí jĩra cheipɨ, chi mãɨ abaɨ pida nɨ p'anɨwẽne. Pia p'ananaipɨ chi mãɨ mɨ nɨ p'anɨrãpa mãɨnepa chi ãchi neet'á oo uru p'anɨrãpa. Mãɨya p'ue ãk'adá wãnaiwẽma mãɨnepa k'ĩra p'eradaiwẽma».

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.

Apocalipsi 3:16

Maamina mãra pania jɨ̃jɨ̃aria bɨ jĩra p'anɨma; mɨ itu bɨdawẽmina, mãra sõnepa mɨ ome nipadawẽa p'anɨma. Mãɨpuru mɨa mãra iataipɨ, mɨ it'aedepa pania jɨ̃jɨ̃aria bɨ k'ũmaru jĩra.