Apocalipsi 20:8 - Tachi Ak'õre Pedea

⁸ Mãɨne ichia tuacha ãarea seade wãipɨ. Gog tuadepemarã, Magog tuadepemarã sida seaipɨ. Ichia mãɨ tuadepema papaká berã p'usa ipu jĩra chok'ará p'anɨt'a ateewãipɨ ẽpẽerã Tachi Ak'õrenepemarã ome k'ĩruunamẽrá.

Apocalipsi 20:8 Σταυροειδείς Αναφορές

Hebreo 11:12

Mãɨya Abrahán piuimaa basimina ichidepa ẽpẽerã minachia chesidama, k'ãk'ãi minachia p'anɨ jĩra mãɨnepa p'usa ipu p'ue joisiadak'a jĩra.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 16:14

Mãɨrã chi ãnimara mietaarã jaorerãpa ne p'ue oodak'apɨ́ minachia oopachidama. Mãɨnepa chi tuachadepemarã poro jũra jɨ̃parí jɨ̃ p'anɨrã́ jarade wãsidama Tachi Chipari ome k'ĩruune wãnamẽrá, Tachi Ak'õre chi Ne Ãarea P'ue Bɨpa ɨtɨai ewaride.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Apocalipsi 20:3

Tachi Ak'õrepa ɨt'aripa peedapa chi uria minachia bɨde edá jirat'aak'ari jɨ̃a nɨbɨk'ari maapae t'ap'asima, mi ãpia pida p'ue ewapiemaapa. Mãɨpa tiorepa tuachapemarã waa seaiwẽma aba mil ãyo jõrunea. Mil ãyo pak'ari ichi ẽraipɨ nãɨ ĩjũane tãaraawẽa bamẽrá.

Apocalipsi 7:1

Mãɨya nak'ari mɨa Tachi Ak'õrepa ɨt'aripa peedaɨrã k'ĩmari unusima. Chi nãɨ ĩjũane bai nɨp'anasima tejã ik'idá ãchi k'ak'awá bai nɨp'anɨ jĩra. Ãchia chi nãua jãrap'et'apidaé pasima, nãɨ ĩjũane, chi p'usade ni pak'urude pida.