3 Juan 1:2 - Tachi Ak'õre Pedea

² Ũpẽa, mɨa Tachi Ak'õrea ɨt'aa chiidi bɨma pɨ ichi ome pia bɨ pẽra ne ãareaɨne pia bamẽrá mãɨnepa k'ak'ua pia bamẽrá.

3 Juan 1:2 Σταυροειδείς Αναφορές

Mateo 9:12

Ãchia mãɨya idiuta Jesupa ũrik'ari jarasima: —K'ak'ua pia berãpa nẽará teaparí jɨrɨdak'ama. Mãɨt'u chi k'ak'ua piawẽa berãpa jɨrɨpatama.

P'ilipense 2:27

Piarã ichi k'ak'ua piawẽa basima. Perá piusima. Maamina Tachi Ak'õrepa ichi k'ĩra chupuriasima. Abapuru ichi k'ĩra chupuriaé pasima, mãɨpari mɨ sida k'ĩra chupuriasima mãɨ atepe minachia k'ɨ̃risiapiemaapa.

P'ilipense 2:4

Ara machicha pia p'ananai k'orea jɨrɨrãt'ɨ, mãɨpari jɨrɨt'ɨ waapẽarã sida pia p'ananamẽrá.

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Santiago 5:12

Mãɨ awara ũpẽarã, abaɨ t'ɨ̃ne piarã ne oodayade arãt'ɨ. Pajãnepema t'ɨ̃ne, nãɨ ĩjũanepema t'ɨ̃ne wa mi ãpia pida parituadepa piarã ne oodayade arãt'ɨ. Ne oodayade adaipɨra, piarã oot'ɨ. Mãɨnepa oodaiwẽane adaipɨra, piarã oorãt'ɨ, Tachi Ak'õrea nepɨra ak'ɨpidaemaapa.

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

3 Juan 1:1

Mɨ Chõapɨ. Mɨa nãɨ k'art'a bɨruma mɨ ũpẽa Gayo pae. Mɨa pɨ piarã k'ɨ̃ria bɨma.

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.