1 Tesalonicense 2:3 - Tachi Ak'õre Pedea

³ Taipa mãrá mãɨya k'ɨ̃risiapidaé pasima piarãpẽawẽne jarateadada ĩjãanamẽrá. Mãɨnepa seadawẽa p'anasima mãra seadai k'orea.

1 Tesalonicense 2:3 Σταυροειδείς Αναφορές

Hecho 13:15

Maapae chi chaarearãpa Moisepa bɨdadepema mãɨnepa Tachi Ak'õre pari pedeapataɨrãpa bɨdaadadepema jĩk'ua eda jarasidama. Maapae ãchia Pablo mãɨnepa Bernabé suak'abari p'anɨmá nãɨya jara peesidama: —Ũpẽarã, mãrapa pedea aba uru p'anɨpɨra tai k'aripadai k'orea, mãɨyara pedeat'ɨ.

Hecho 4:36

Mãɨne ẽpẽra José apataɨ ãchi ome basima. Jesupa peedaɨrãpa ichi t'ɨ̃ bɨsidama Bernabé. (Bernabé t'ɨ̃ jara k'ɨ̃ria bɨma «Sõpiapiparí Warra»). Ichi Levidepa ununa pasima. Mãɨ Chipredepema pasima.

2 Corintio 11:13

Ãchi Cristopa peedaɨrãwẽma, mãɨpari waapẽarã seapataɨrãpɨ. Seadepa k'ɨ̃risiapipatama ãchi Cristopa peedaɨrãpɨ.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

2 Corintio 6:8

Edaɨde waapẽarãpa tai k'orea pia jarapatama. Edaɨde k'achia pedeapatama. Edaɨde tai k'orea piawẽa t'ɨ̃ p'oapipatama. Edaɨde pia t'ɨ̃ p'oapipatama. Taipa chi piarã pedea jara p'anɨmina waapẽarãpa jara p'anɨma taipa sea jara p'anɨt'a.

2 Corintio 7:2

Sõnepa tai k'ɨ̃riat'ɨ. Taipa abaɨ sida mietá oodawẽa p'anɨma, mi ãpia pida nemietá k'ɨ̃risiapidaemaa p'anɨma mãɨnepa seadawẽa p'anɨma.

1 Tesalonicense 2:11

Mãɨ awara k'awa p'anɨma ak'õrepa ara ichi warrarã ome oopari jĩra taipa machicha mãɨya oo p'anasidama.

1 Tesalonicense 4:7

Tachi Ak'õrepa tachi jɨrɨ ataé pasima k'achiade p'ananamẽrá, mãɨpari jɨrɨ atasima ichi pae jĩp'a p'ananamẽrá.

2 Tesalonicense 2:11

Mãɨpuru Tachi Ak'õrepa itu chi seat'a ĩjãapiipɨ. Mãɨya ara ãchi tuaba chi sea ĩjãa p'ananaipɨ.

2 Pedro 1:16

Tachi Chipari Jesucristo jua chaarea k'orea mãɨnepa ichi mãicha chei k'orea taipa mãrá jarateasidaɨde ara tachi k'ɨ̃risiadepa jaradada jarateadaé pasima. Mãɨpari Tachi Chipari Jesú k'ĩrawãrea achiterrea ununana pẽra mãɨya jarateasidama.