1 Juan 5:9 - Tachi Ak'õre Pedea

⁹ Ẽpẽrapa ununa piarãane aipɨra tachia ĩjãapatama. Maamina Tachi Ak'õrepa jara bɨt'a atepe ĩjãanai p'anɨma, ichi Warra k'orea piarã jara bɨ pẽra.

1 Juan 5:9 Σταυροειδείς Αναφορές

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Juan 10:38

Maamina ichia oo bɨt'a mɨa oo bɨpɨra, mɨa jara bɨ k'orea mãrapa ĩjãanawẽa p'anɨmina mɨa oo bɨt'a k'orea ĩjãat'ɨ. Mãɨya mãrapa piarã k'awadaipɨ mɨ Ak'õre mɨ ome bɨ mãɨnepa chi mɨ Ak'õre mɨ ome bɨt'a.

Juan 5:39

Mãrapa Tachi Ak'õre pedea pia unupatama, mãɨnepema Tachi Ak'õre ome ewaricha chok'ae p'ananait'a k'ɨ̃risia p'anɨ pẽra. ¡Mãɨ k'art'ade mɨ k'orea pedea bɨma!

Hecho 17:31

Ewari aba bɨsima ãarea nãɨ ĩjũanepemarã jĩp'a ɨtɨai k'orea, chi ichia jɨrɨ atada ẽpẽranepa. Mãɨ ẽpẽra ãareaɨrã́ k'awapisima, ichi piu badadepa chok'ae p'irabaripida pẽra.

Hecho 5:32

Mãɨ taipa ara jarapatama. Tachi Ak'õre Jaore pida abarik'a jaraparima. Tachi Ak'õrepa ichi Jaore chi ichide ĩjãapataɨrã́ teaparima.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

Hebreo 6:18

Tachi Ak'õrepa sea jarak'a pẽra ichia teai jarada piarã teaipɨ mãɨnepa ichi t'ɨ̃nepa jarada k'ĩra awara ooiwẽma. Mãɨ ne ume p'anɨnepa, taipa Tachi Ak'õre jɨrɨpatama tai k'aripamẽrá mãɨnepa k'ɨ̃riamẽrá. Ichia jarada piarã ooit'a k'awa p'anɨẽra tachia p'ue p'erawẽa ĩjãa p'ananaipɨ. Mãɨpa chi Jesudepa jitadai k'orea nɨ p'anɨt'a itu bɨdaiwẽma.

1 Juan 5:10

Chi Tachi Ak'õre Warrade ĩjãa bɨpa ichi sõne k'awa bɨma Tachi Ak'õrepa jara bɨ piarãt'a. Maamina chi Tachi Ak'õrepa jara bɨt'a ĩjãawẽa bɨpa Tachi Ak'õrepa sea jara bɨade a k'ɨ̃risia bɨma, ichi Warra k'orea jara bɨt'a ĩjãawẽa bɨ pẽra.

1 Juan 5:8

Nãɨya chi ũpea p'anɨrãpa k'awapipatama chi Jesú k'orea pedea piarãt'a: Jesú porochoada pẽra, ichi oa k'urusude ãrina pẽra, mãɨnepa Tachi Ak'õre Jaorepa k'awapi bɨ pẽra. Mãɨ ũpea p'anɨrãpa abarik'a k'awapi p'anɨma.