1 Juan 4:5 - Tachi Ak'õre Pedea

⁵ Mãɨrã nãɨ ĩjũa nemietaadepemarãpɨ. Mãɨpuru nãɨ ĩjũanepema k'ɨ̃risia jarateapatama mãɨnepa ãchia jaratea p'anɨ nãɨ ĩjũane Tachi Ak'õrene ĩjãanak'a berãpa ĩjãapatama.

1 Juan 4:5 Σταυροειδείς Αναφορές

Luca 16:8

»Maapae chi chiparipa jarasima ichi neet'á ak'ɨparí sõk'achia bɨ k'ɨ̃risia minachia basima ichia mãɨya oo bada k'orea. Piarã Tachi Ak'õre ẽpẽrarã k'aepẽra nãɨ ĩjũanepemarãpa mãɨ ãchi aɨk'aɨrã ome ne netodai k'orea, ãchia pia ne k'ɨ̃risiadak'ari oopatama.

Juan 17:14

Pɨa jarada mɨa ãchiá jarateasima. Maamina nãɨ ĩjũanepemarãpa ãchi unuemaa p'anɨma mɨ jĩra nãɨ ĩjũanepemawẽ pẽra.

Juan 17:16

Ãchi nãɨ ĩjũanepemarãwẽma ara mãɨ mɨ nãɨ ĩjũanepemawẽ jĩra.

Juan 3:31

»Chi ɨt'aripa cheru ãareaɨrã k'aepẽra chi atepe bɨma. Chi nãɨ ĩjũane bɨt'a nãɨ ĩjũanepema pẽra aba nãmapemat'u pedeaparima. Mãɨpuru chi pajãnepa cheru ãareaɨrã k'aepẽra chi atepe bɨma.

Juan 8:23

Mãɨne Jesupa jarasima: —Mãra nãɨ ĩjũanepemarãpɨ, maamina mɨ pajãnepemapɨ. Mɨ nãɨ ĩjũanepemawẽma.

2 Timoteo 4:3

Ewari parude ẽpẽrarãpa chi piarã pedea ũri k'ɨ̃rianawẽa p'ananaipɨ. Mãɨpari ãchia k'ɨ̃ria p'anɨnea wãnaipɨ. Mãɨpuru jarateapataɨrã chok'ará jɨrɨdaipɨ ãchia ũri k'ɨ̃ria p'anɨt'a jarateadamẽrá.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.