1 Juan 4:4 - Tachi Ak'õre Pedea

⁴ Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

1 Juan 4:4 Σταυροειδείς Αναφορές

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 16:11

Mãɨnepa Tachi Ak'õre Jaorepa k'awapiipɨ nãɨ ĩjũanepemarã nepɨra pará p'anɨane ait'a, Tachi Ak'õrepa chi nãɨ ĩjũanepema chipari nepɨra pará bɨade ada pẽra.

Juan 17:23

Mɨ ãchi ome bɨ pẽra mãɨnepa pɨ mɨ ome bɨ pẽra tachi ãarea ará k'ak'ua aba bɨ jĩra p'ananaipɨ. Mãɨya nãɨ ĩjũanepemarãpa k'awadaipɨ pɨa mɨ peesit'a mãɨnepa k'awadaipɨ pɨa ãchi k'ɨ̃ria bɨt'a ara mɨ k'ɨ̃ria bɨ jĩra.

Romano 8:31

¿Mãɨ k'orea sãmaasã́ k'ɨ̃risia p'anɨma? Tachi Ak'õre tachi lawari bɨ pẽra ¿k'aipa tachi p'ueima?

Romano 8:37

Maamina Cristopa tachi k'ɨ̃ria bɨma. Ichidepa jõma mãɨ tachia p'uepatama.

1 Corintio 2:12

Tachia nãɨ ĩjũanepema k'ɨ̃risiat'a atadaé pasima, mãɨpari Tachi Ak'õre Jaoret'u jitasidama jõma Tachi Ak'õrepa ichi sõpiadepa teada k'awadamẽrá.

1 Corintio 6:13

Mãɨnepa waapẽarãpa jarapatama: «Chik'o tachi bi pae bɨma, mãɨnepa tachi bi chik'o pae bɨma». (Mãɨya bɨmina Tachi Ak'õrepa mãɨ umea jõpiipɨ). Maamina tachi k'ak'ua bɨwẽma nemietá oo bamẽrá, mãɨpari Tachi Chipari pae bɨma. Mãɨnepa Tachi Chipari tachi k'ak'ua ak'ɨi k'orea bɨma.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Ep'esio 3:17

Mãɨnepa ɨt'aa chiidi bɨma ĩjãa p'anɨ pẽra Cristo mãra sõne bamẽrá. Ɨt'aa chiidi bɨma mãra ne ãareaɨne k'ɨ̃rianepa p'ananamẽrá. Mãɨya chaarea p'ananaipɨ minachia k'arra jãa p'anɨ jĩra.

Ep'esio 6:10

Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

1 Juan 2:13

Chõarã, mɨa nãɨ k'art'a mãrá bɨruma chi naenaena bada wapida bɨt'a mãɨ mãrapa k'awa p'anɨ pẽra. K'ũtãarã, mɨa nãɨ k'art'a mãrá bɨruma tiore p'uedada pẽra. Warrarã, mɨa nãɨ k'art'a mãrá bɨruma Tachi Pajãnepema Ak'õre k'awasida pẽra.

1 Juan 3:24

Chi Tachi Ak'õrepa oopi bɨ pedeat'a Tachi Ak'õre ome bɨma, mãɨnepa Tachi Ak'õre ichi ome bɨma. Tachia k'awa p'anɨma Tachi Ak'õre tachi ome bɨt'a, ichi Jaore tachiá teada pẽra.

1 Juan 4:13

Tachi Ak'õrepa ichi Jaore tachiá teada pẽra k'awa p'anɨma tachi Tachi Ak'õre ome p'anɨt'a mãɨnepa ichi tachi ome bɨt'a.

1 Juan 4:16

Tachia k'awa p'anɨma mãɨnepa ĩjãa p'anɨma Tachi Ak'õrepa tachi k'ɨ̃ria bɨt'a. Tachi Ak'õrepa ne ãareaɨne k'ɨ̃ria bɨma. Chi piarã k'ɨ̃ria uru bɨ Tachi Ak'õre ome bɨma mãɨnepa Tachi Ak'õre ichi ome bɨma.

1 Juan 4:6

Maamina tachi Tachi Ak'õrenepɨ. Chi Tachi Ak'õre k'awa bɨpa tachia jaratea p'anɨt'a ĩjãaparima. Chi Tachi Ak'õre atua bɨpa tachia jaratea p'anɨt'a ĩjãak'ama. Mãɨnepa tachia k'awa p'anɨma k'aipa Tachi Ak'õre Jaoredepa piarã pedea jaratea bɨt'a mãɨnepa k'aipa awaraɨ jaoredepa sea jaratea bɨt'a.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

1 Juan 5:4

Jõma Tachi Ak'õrenepa t'õnaanapa nãɨ ĩjũanepema nemietá itu bɨpatama. Piarã tachia Jesucristode ĩjãa p'anɨ pẽra mãɨ p'ue itu bɨdaipɨ.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.