1 Juan 4:18 - Tachi Ak'õre Pedea

¹⁸ Tachia Tachi Ak'õre mãɨnepa jõma ẽpẽrarã k'ɨ̃ria p'anɨpɨra, Tachi Ak'õrepa ɨtɨai pada wap'eadawẽa p'anɨma, chi piarã k'ɨ̃ria p'anɨnepa mãɨ wap'eadait'a jõpipari pẽra. Tachi Ak'õrepa ɨtɨai wap'ea bɨpa k'awa bɨma Tachi Ak'õrepa ichi ɨtɨait'a. Chi ichia Tachi Ak'õre mãɨnepa jõma ẽpẽrarã wapida piarã k'ɨ̃ria bɨwẽma.

1 Juan 4:18 Σταυροειδείς Αναφορές

Mateo 9:34

Maamina p'ariseorãpa jarasidama: —Jãɨ Jesupa jaore mietá ãyá jeret'aaparima, jaore mietaarã chi atepe bɨpa ichiá mãɨ jua chaarea teada pẽra.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

2 Timoteo 1:7

Tachi Ak'õrepa tachi sõne ne wap'ea p'anapié pasima, mãɨpari tachiá jua chaarea p'anapik'ari, waapẽarã k'ɨ̃ria uru p'anapik'ari tachi k'ak'ua jĩp'a ak'ɨ uru p'ananayá k'awapisima.

Hebreo 12:28

Tachi Ak'õre juadepema jõk'apɨɨmá p'ananai pẽra ichiá pia bɨade adai p'anɨma. Minachia wap'ea p'anɨnepa ichiá pia pedeadai p'anɨma ichia k'ɨ̃ria bɨ jĩra,

Santiago 2:19

Pɨa ĩjãa bɨma Tachi Ak'õre abapuru bɨt'a. ¡Minachia pia bɨma! Jaore mietaarã pida mãɨya ĩjãa p'anɨma, maamina Tachi Ak'õre wap'eapa k'ak'ua orepatama.

1 Juan 4:12

Abaɨ pida Tachi Ak'õre taupa ununak'ama. Maamina tachi chi k'ɨ̃ria p'anɨpɨra, Tachi Ak'õre tachi ome bɨma mãɨnepa ichi k'ɨ̃rianepa tachia piarã jõmãɨrã k'ɨ̃ria p'anɨma.