1 Juan 3:6 - Tachi Ak'õre Pedea

⁶ Chi ichi ome ará bɨpa nemietá ook'ama. Maamina chi nemietá oo bɨpa Jesucristo atua bɨma mãɨnepa sãmaasã́ bɨt'a k'awak'ama.

1 Juan 3:6 Σταυροειδείς Αναφορές

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

1 Juan 2:3

Tachi Ak'õrepa oopi bɨ pedeat'a tachia oo p'anɨpɨra, unupidai p'anɨma ichi piarã k'awa p'anɨt'a.

1 Juan 2:4

Abaɨpa jaraipɨra: «Mɨa ichi k'awa bɨma», mãɨne ichia oopi bɨt'a oowẽa bɨpɨra, mãɨpa sea jara bɨma. Chi piarãpẽa pedea atua bɨma.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

1 Juan 3:9

Chi Tachi Ak'õrenepa t'õnapa nemietá oo bak'ama, Tachi Ak'õre chok'ae bɨ ichide bapari pẽra. Tachi Ak'õrenepa t'õna pẽra nemietá p'ue oo bak'ama.

1 Juan 4:8

Tachi Ak'õrepa ne ãareaɨne k'ɨ̃ria bɨ pẽra mãɨ chi abaɨ k'ɨ̃riawẽa bɨpa Tachi Ak'õre atua bɨma.

1 Juan 5:18

Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

3 Juan 1:11

Ũpẽa Gayo, nemietá oopataɨrã jĩra barãse mãɨpari pia oopataɨrã jĩra base. Chi pia ooparí Tachi Ak'õrenepɨ, maamina chi nemietá ooparipa Tachi Ak'õre atua bɨma.