1 Juan 3:5 - Tachi Ak'õre Pedea

⁵ Maamina mãrapa k'awa p'anɨma Jesucristo nãɨ ĩjũanea chesit'a tachi nemietá ãyá bɨi k'orea. Ichi mi ãpia pida nemietá newẽma.

1 Juan 3:5 Σταυροειδείς Αναφορές

Mateo 1:21

Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».

Luca 23:41

Tachi ume nãɨya piudai p'anɨma nemietá oodada pẽra. Maamina cha bɨ ẽpẽrapa ¿k'ãre nemietá oosima?

Luca 23:47

Mãɨ unuside papaká berã chi mãɨrã chaarea bɨpa Tachi Ak'õrea nãɨya pia jarasima: —Piarã nãɨ ẽpẽra jĩp'a basima.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Juan 1:31

Naena mɨa Jesú mãɨya bɨt'a atua basima. Maamina mɨa paniapa porochoa bɨma Israel ĩjũanepemarãpa k'awadamẽrá k'ai Tachi Ak'õrepa peedat'a».

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 8:46

¿K'ai mãranepemapa mɨa piarã nemietá oo bɨade aima? Mɨa piarã pedea jara bɨpɨra, ¿k'ãre k'orea mɨ pedea ĩjãanawẽa p'anɨma?

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

Hebreo 9:26

Mãɨya badapara nãɨ ĩjũa oosidaedapema Cristo bari k'ak'o minachia piui bai pasima. Maamina nãɨ k'aadeapema ewaride ara ichi itu peapisima. Bari k'ak'o aba mãɨya oodapa tachia nemietá oodada ãarea ãyá bɨsima.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

1 Pedro 1:18

Mãra naena piawẽa be k'ɨ̃risiadepa nipapachidama mãra chõarãenapemarãpa mãɨya jarateapachida pẽra. Maamina k'awa p'anɨma Tachi Ak'õrepa mãra mãɨnepema k'aripasit'a. Mãra ataé pasima nee jõpariidepa, wa p'arat'a jõpariidepa, mãɨpari Cristo oa chi neepɨa bɨdepa atasima. Cristo chi piipará bɨ oveja chak'e Tachi Ak'õrea paateada jĩra basima.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

1 Pedro 2:22

Cristopa nemietá ook'a pasima mãɨnepa sea jarak'a pasima.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

1 Juan 1:2

Mãɨ chok'ae bapiparí Tachi Ak'õrepa nãɨ ĩjũane unupisima. Taipa ichi unusida pẽra ichi k'orea piarã pedea p'anɨma. Taipa mãrá jara p'anɨma mãɨ chi ewaricha chok'ae bapiparit'a. Jua chiwidieda ichi Tachi Pajãnepema Ak'õre ome pajãne bapachima. Ichi pajãne bada Tachi Ak'õrepa taiyá nãɨ ĩjũane unupisima.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.

1 Juan 2:29

Mãrapa k'awa p'anɨma Jesucristo jĩp'a bɨt'a. Mãɨnepa k'awa p'anɨma jõma jĩp'a oo be Tachi Ak'õrenepa t'õnaanarãt'a.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.