WAEBRANIA 9:7 - Biblia Ilagho Jiboie Kwa Wandu Wose

⁷ na iyo hema ya kawi, yadangilwa ni Mkohani M'baa uekeri mwaka indo jimweri, nao ndeoredimagha kungia usedwae bagha; uifunye kwa wundu ghwake moni, na kwa wundu ghwa makosa gha wandu.

WAEBRANIA 9:7 Σταυροειδείς Αναφορές

2 SAMUELI 6:7

BWANA ukajokwa ni machu aighu ya Uza; na Mlungu ukamkaba angu oreidadireghe Sanduku ya Ilaghano ja BWANA, nao ukafwa ahoeni mbai na mbai ya Sanduku ya Mlungu.

2 MALAGHO GHA NGELO 33:9

Manase ukawisesea-sesea wandu wa Juda na awo wikaiagha Jerusalemu, wikabonya mawiwi kuchumba iro mbari BWANA oreritoteshereghe imbiri ya wandu wa Israeli.

ZABURI 19:12

Nani udimagha kughimanya makosa ghake? Kunilekie makosa ghivisikie kwapo ee BWANA.

ZABURI 95:10

Kivalwa icho cherenivavirieghe ngolo kwa miaka mirongo ina. Ngaghamba, “Ni wandu wisenisikiragha, hata ndewitalagha Sharia rapo anduangi.”

KUFUMA 30:10

Haruni uchakatisha mzango ghoelesha iyo madhabahu indo jimweri kula mwaka kwa kurimichira iro mbembe inya ra madhabahu bagha ya kizongona chifunyiro kwa wundu ghwa kaung'a. Uchakaia ukibonya huwo kula mwaka vivalwa vose. Madhabahu ihi ichakia ielie loli-loli kwa BWANA.”

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 29:14

huwo koni na ini nichawibonyera maza richaawishinua; malagho gha mashiniko ghisedimagha kuvikilwa ni hikima ya wandu wawo; na wandu wawo wa akili wichasirilwa ni kumanya kwawo.”

ISAYA 3:12

Wandu wapo wadakorongwa ni wana, na waka wadawibonyera nguma. Ee wandu wapo, mwaawuyalaghashwa ni vilongozi venyu, na kuvurugha chia ra mighendo enyu.

ISAYA 9:16

Awa wawuyawilongoza awandu, waawuyawilaghasha chia; na awo wilongozwagha, waawuyatota.

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

WALAWI 16:34

Ihi ichakaia sharia ya kala na kala kwa wundu ghonyu, eri mapatano ghipate kubonywa kwa wundu ghwa wandu wa Israeli kula mwaka; kwa wundu ghwa kaung'a rawo.” Musa ukabonya sa iji koni BWANA oremlaghirieghe.

WALAWI 5:18

Uchareda bauru iseko na itiko kwa mkohani kufuma chaghenyi, na oho kuchabonya ighuri jaro kunughana na ighuri ja agho matuku; mkohani uchabonya mapatano kwa wundu ghwa kaung'a yake uibonyere usemanyire, nao uchafuilwa wughoma.

AMOSI 2:14

Mundu ukimbiagha na iseghe, ndechaakirwa ni iseghe jake; na uo uko na ndighi, uchateweleka; hata uo uko na kudima ndechaakukira moni anduangi.

MITALO 15:25

Na mkohani uchabonya wupatanisho kwa wundu ghwa izungu jose ja wandu wa Israeli, nawo wichafuilwa wughoma kwa kukaia wedechumbwa wikabonya ikosa kuseko kukunda, nawo wareda kizongona chawo chekora na kizongona cha viro kwa BWANA kwa wundu ghwa kaung'a.

WAEFESO 4:18

Maririkanyo ghawo ghangirwa kira, hata ndewitambukilwagha; watanyiro na irangi ja Mlungu, kwa wundu ghwa wukelu ghuko andenyi kwawo, na kukua kwa ngolo rawo.

WAEBRANIA 10:3

Ela kwa vizongona ivo, wandu wadakumbuka kaung'a mwaka kwa mwaka.

WAEBRANIA 6:19

Isi deko na ijo isuwirio jiko sa nanga imange ya irangi jedu, jingiagha kondenyi na kuida pazia na nyuma,

WAEBRANIA 7:27

Uo ndena haja efunya vizongona matuku ghose, sa waja wakohani wabaa; wei ufunye kizongona kwa wundu ghwa kaung'a rake moni imbiri, ima uwonefunya kwa wundu ghwa wandu. Jesu odebonya huwo indo jimweri tua, iji orekufunyireghe moni kizongona.

WAEBRANIA 9:3

Nanyuma ya pazia ya kawi, korekoghe na hema iwangwagha Andu kwa Wueli Kuchumbie.