WAEBRANIA 4:10 - Biblia Ilagho Jiboie Kwa Wandu Wose

¹⁰ Angu mundu uo ose ungiagha kuhorenyi kwa Mlungu, orehorieghe kufuma kwa kazi rake; seji koni Mlungu orehorieghe kufuma kwa kazi rake.

WAEBRANIA 4:10 Σταυροειδείς Αναφορές

KUZOYA 2:2

Nao ituku ja mfungade Mlungu ukahora nyuma ya kumeria kazi rake rose oreribonyereghe.

JOHANE 19:30

Nao iji Jesu waitoa iyo siki, ukaghamba, “Yasia.” Ukaghoghomesha chongo chake ukaifunya roho yake.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 10:12

Ela Kristo uendafunya kizongona chimweri cha ngelo rose kwa wundu ghwa kaung'a, oreserieghe kidombo chia ya mkonu ghwa kiwomi ghwa Mlungu.

WAEBRANIA 4:9

Kwa wundu ugho, eko Sabato ehora isigharikie kwa wundu ghwa wandu wa Mlungu.

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”

WUFUNUO 6:11

Niko kula umu orenekeloghe nguwo ndacha ya chokwa, wikazerwa wichurie kuhoresha katini, hata mtalo ghukate ghwa wadumiki wambao, na waruna awo werekoghe wibwagho sa awo weni.