WAEBRANIA 11:8 - Biblia Ilagho Jiboie Kwa Wandu Wose

⁸ Kwa irumirio, Abrahamu uendawangwa ni Mlungu ughende andu kuchaakaia ifwa jake, oosikira; ukaafuma usemanyagha andu ughendagha.

WAEBRANIA 11:8 Σταυροειδείς Αναφορές

KUZOYA 11:31

Nao Tera ukawuka na mwana wake Abramu na wawae Loti mwana wa Harani na mka-mwanwake Sarai, muka wa Abramu, nawo wikaghendanya cha Kanaani kufuma muzi ghwa Uri ya Wakalidayo, ela iji werevikieghe Harani wikakaia aho.

KUZOYA 12:5

Abramu ukamdwa mkake Sarai, na Loti mwana wa mruna, mali rose na wadumiki orewipatireghe isanga ja Harani, ukazoya charo cheghenda isanga ja Kanaani. Wiendavika Kanaani,

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

KUZOYA 15:5

BWANA ukamfunya shighadi ukamzera, “Zighana cha mlungunyi kuwone ngera kwadima kuritala nyerinyeri.” Nao ukaghamba, “Huwu niko kivalwa chako chichaakaia.”

KUZOYA 17:8

Nani nichakuneka oho na kivalwa chako chose isanga iji kwawuyajikaia sa mghenyi, isanga jose ja Kanaani, jipate kuwuya jawo kwa kala na kala, na ini nichakaia Mlungu wawo.”

KUZOYA 20:13

Iji Mlungu orenifunyireghe kwa aba nikaie omara-mara nedemzera muka wapo huwu, ‘Wucha kuchaanibonyera ni ughu: andu uko kose dichaavika, kunighore kukaia ini ne mwanyinyu!’”

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

KUZOYA 26:3

Kaia aeni aha sa mghenyi nani nichakaia andwamweri na oho na kukurasimia; kwa kukaia masanga agha ghose nichakuneka oho na kivalwa chako, nani nichakatisha ighemi japo nijibonyere na ndeyo Abrahamu.

ISAYA 41:2

“Nani umnyavurishire mndumu kufuma mashariki, na kum'bonya usimeghe kula andu? Waribonya mbari ra wandu righo imbiri kwake, na wazuri kusimwa hata wikaie aisi yake. Wadawighusha andonyi kwa lufu lwake karakara na teri, na kuwiwinga kwa ndana yake karakara na matasa ghidukwagha ni mbeo.

ISAYA 51:2

Mzighanenyi ndeyo onyu Abrahamu, na Sara uo oremvaeghe. Kwa kukaia neremmbangieghe ngelo usene mwana ungi, ngamrasimia na kum'bonya uve kwa wungi.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

MITALO 10:30

Ela Hobabu ukamzera, “Ini sighendagha; niaghala kedu kwa wamzedu.”

MATHAYO 2:21

Nao Josefu ukawuka ukammbwada mwana na mae, wikawuya isanga ja Israeli.

WAROMA 1:5

Kwa chia yake uo, isi dapatire mvono na wudumi ghowibonya wandu wa mbari rose wipate kusikira kwa uko kurumiria kwa wundu ghwa irina jake;

WAROMA 10:16

Ela si wose wijirumirie ijo Ilagho Jiboie; angu Isaya waghambie, “Bwana, nani oreghirumirieghe malagho ghedu?”

WAROMA 6:17

Ela chawucha kwa Mlungu; angu hata ngera morekoghe wazumba wa kaung'a, mwamerie kuwuya wandu wa kusikiria kwa ngolo yose na kukatisha sa iji koni morefundishiroghe.

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

WUKUMBUSO 9:5

Si kwa wundu ghwa hachi enyu, angu wucha ghwa ngolo renyu mwawuyaghenda kujiwusa isanga jawo anduangi, ela ni kwa wundu ghwa wuwiwi ghwa mbari iri, niko BWANA Mlungu onyu wawuyariwinga noko imbiri konyu upate kukatisha ilagho ijo orewighemieghe weke ndeyo Abrahamu, Isaaka na Jakobo.

WAEBRANIA 11:33

wandu awo kwa irumirio, weresimieghe mawuzuri, wikawika hachi, wikapata malaghiro, wikafunga memu ya shimba,

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

JOSHUA 24:3

Niko ngamsaghua ndeyo Abrahamu kufuma kwa ijo isanga, ngamruwusa kimonu cha Moda ghwa Eufrate na kumghenja aghadi ya isanga jose ja Kanaani, na kumneka kivalwa kingi. Ngamneka Isaaka,

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 PETRO 3:1

Huwo koni inyo waka, mkuwike aisi ya womi wenyu; eri ngera weko wangi wisewuejisikira ijo ilagho ja Mlungu, wirudo kuseko na kujighora ijo ilagho;

1 PETRO 4:17

Angu ngelo yavika kutanywa kuzoe, nako kuazoya kwa wandu wa Mlungu weni; na ikakaia kwazoya nesi, kutua kwaro wandu wisesikiragha ijo Ilagho Jiboie ja Mlungu-lee, kuchakaia wada?