WAEBRANIA 11:5 - Biblia Ilagho Jiboie Kwa Wandu Wose

⁵ Kwa irumirio, Enoko oredwaloghe nokoighu usewone kifwa, nao nderewonekieghe anduangi, angu Mlungu oremdwaeghe. Elaima imbiri usedwalo, oreshuhudiloghe kukaia mundu um'boiagha Mlungu.

WAEBRANIA 11:5 Σταυροειδείς Αναφορές

2 WAZURI 2:1

Ngelo Mlungu orekundieghe kumdwa Elija cha mlungunyi kwa kikulukulu, Elija na Elisha werekoghe wikighenda chienyi wafuma Gilgali.

2 WAZURI 2:11

Hata iji werekoghe wikidedanya, igare ja modo jikurudulwagha ni farasi ra modo jikacha na kuwitanya; Elija ukadwalwa cha mlungunyi kwa mbeo ya kikulukulu.

ZABURI 89:48

Nani udimagha kudua moyo usefo jingi? Nani udimagha kukulindia usengie kaburinyi?

JEREMIA 36:26

Nao mzuri ukafunya momu kwa mwana wake Jerahimeeli, na Seraia mwana wa Azrieli, na Shelemia, mwana wa Abdeeli, winiwade chiaimweri na uja muandiki Baruku, ela BWANA ukadivisa.

LUKA 2:26

Orekoghe wawonyerwa ni Roho Mweli angu ndechaawona kifwa anduangi, hata ummbone Kristo wa Bwana.

LUKA 3:37

uo orekoghe mwana wa Methusela, mwana wa Enoko, mwana wa Jaredi, mwana wa Mahalaleli, mwana wa Kainani;

1 WATHESALONIKE 2:4

ela sa iji koni dererumiriloghe ni Mlungu kukaia dafwane kujidwa ijo Ilagho Jiboie, niko koni dighoragha, si sa kuwiboia wandu anduangi, ela dadajighora kwa kum'boia Mlungu; uo umanyagha ngolo ra wandu.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.

1 JOHANE 3:22

Nesi dikalomba kilambo icho chose diapata kufuma kwake; angu dawuyaiwadia memu yake, na kubonya seji ukunde.

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,