TITO 3:3 - Biblia Ilagho Jiboie Kwa Wandu Wose

³ Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

TITO 3:3 Σταυροειδείς Αναφορές

KUZOYA 38:9

Ela Onani angu oremanyireghe kivalwa ndechichaawangwa kwa irina jake, ngelo orekanyeghe na mka mruna, ukaridiria mbeu rake andonyi, eri usechemneka mruna kivalwa.

KUZOYA 39:16

Nao ukaiwika ija nguwo hata mumi wake ukacha;

ZABURI 36:2

Kwa kukaia wadakuririkanya moni kukaia mucha, ukighesha wei Mlungu ndedimagha kumanya wuwiwi ghwake na kughutanya.

MAKATANISHO 8:5

Ee wandu msemanyagha, mkufundishe suku.

MAKATANISHO 9:6

Sighana na wandu wisewadie kumanya kukaie moyo. Nugha chia ya kumanya.”

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

OBADIA 1:3

Lukaso lwako lookukalia, Muzi ghwako m'baa ghooka na ngome riaghilo na magho ghikurie; nyumba yako eeka aighu mghondinyi; niko kwawuyaghamba, ‘Nani udimagha kunighusha andonyi?’

MATHAYO 21:29

Nao ukatumbulia, ‘Sikude!’ Ela konyuma ukahea ukaghenda.

LUKA 21:8

Jesu ukawitumbulia, “Mkulindie msechelaghashwa, angu wandu wengi wichacha wikitumia irina japo na kughamba, ‘Ini nuo moni!’ na ‘Ngelo yavika!’ Msakewinugha.

JOHANE 8:34

Jesu ukawizera, “Namghoria loli, uo ose ubonyagha kaung'a ni mzumba wa kaung'a.

WAROMA 11:30

Na sa iji koni morekoghe msemsikiragha Mlungu aho imbiri, ela idana mwafuilo wughoma kwa wundu ghwa kulegha kwawo;

WAROMA 6:12

Kwa huwu msesighe kaung'a ibonye nguma andenyi ya mimbi yenyu ifwagha, hata mrumirie kurikatisha bea raro.

WAROMA 6:17

Ela chawucha kwa Mlungu; angu hata ngera morekoghe wazumba wa kaung'a, mwamerie kuwuya wandu wa kusikiria kwa ngolo yose na kukatisha sa iji koni morefundishiroghe.

WAROMA 6:22

Ela idana mmeria kufunywa kaung'enyi, na kuwuya wazumba wa Mlungu, fwaida mpatagha ni kueleshwa, na kutua kwaro irangi ja kala na kala.

WAROMA 6:6

Nesi damanya angu wudamu ghodu ghwa kala ghwasulubishiro andwamweri nao, mumbi ghwa kaung'a ghupate kutoteshwa; eri isi diseduo wazumba wa kaung'a sena.

2 WAKORINTHO 12:20

Angu naobua kewada yadimika ngacha konyu nimkuo seji nisekunde, na inyo muniwone seji msekunde; na kewada koko kurashana, iriso, machu, wusu, kusimana, kudedana, sheshe, kukukasa na nganyi.

WAGALATIA 6:3

Angu mndungi ukaghesha wei oko kindo chimu, nao useko kindo chingi, uakukalia moni.

WAKOLOSAI 1:21

Na inyo ngelo rimu morekoghe kula na Mlungu, mkikaia wamaiza wake, kwa wundu ghwa mabonyo na maririkanyo ghenyu ghizamie.

WAKOLOSAI 3:7

Nenyo moreghendieghe kwa maza iro aho imbiri, iji moredueghe naro.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

2 TIMOTHEO 3:6

Aghadi yawo, weko wandu wingiagha nyumba ra wandu, na kuwidwa wunyika waka wisedimagha kukumazira, widukie misigo ya kaung'a na kughenjwa ii chia na ii chia ni bea zima-zima;

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

TITO 2:12

nagho ghwadifundisha kulegha mawiwi, na bea ra wurumwengu, dipate kudua moyo diko na akili ndicha, waloli, na irangi jiko na kuobua kwa Mlungu andenyi ya wurumwengu ughu;

JAKOBO 1:26

Ngera mndungi wakuwona moni kukaia wa dini, nao ndelumaziriagha lumi lwake, dini yake ni ya duu; nao waawuyakukalia moni.

1 PETRO 1:14

Sa wana wisikiragha, msakekufwananisha na bea ra imbiri ra kusowa kumanya konyu.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 18:2

Ukaghora kwa lwaka lubaa nandighi ukighamba, “Ghwaghue, ghwaghue, ugho Babuloni m'baa! Ghwawurie malalo gha pepo, andu kwa kula roho mbiwi, na wulalo ghwa kula nyonyi mbiwi, izamie;