RUTHU 4:6 - Biblia Ilagho Jiboie Kwa Wandu Wose

⁶ Nao uja mundu wa ifwa ukaghamba, “Kwa ilagho ijo, naiinjikia iyo hachi yapo eghua iyo ndoe; kwa kukaia wana wapo weni ndewichaaipata ifwa iyo ndoe. Ighuo oho, ini siikunde.”

RUTHU 4:6 Σταυροειδείς Αναφορές

KUZOYA 38:8

Juda ukamzera Onani, “Kaianya na mka mwanyinyu Eri, kumpatire mwanyinyu kivalwa.”

WALAWI 25:25

Mwanyinyu Muisraeli ukawuya mkiwa nao ikaie suti uuze mbuwa yake, mundu wa kichuku chake cha kaavui uikombuo.

WUKUMBUSO 25:7

Na ikakaia uo mundu ndeukunde kukanya na mkamruna, niko uo mkamruna uchaghenda mbengenyi kwa waghosi andu kokwania na kughamba, ‘Mruna mumi wapo ndekunde kuikatisha iyo kazi ya mruna kwapo.’

WUKUMBUSO 25:8

Niko waghosi wa muzi ghwake wichammbanga na kudedanya nao; hata iji wafunga ndighi kughamba, ‘Sikunde kukanya nao,’

WUKUMBUSO 25:9

niko mkamruna uchafunya chadu chake na kumchuya mada gha meso ukighamba, ‘Mundu usekunde kuiagha nyumba ya mruna, wadabonyerwa huwo.’

RUTHU 2:20

Naomi ukaghamba, “Uo mundu nderasimilo ni BWANA, uo kwa wughoma ghwake usewiliwagha awo wiko moyo na awo wifue.” Ukachuria kughora, “Uo mundu ni kichuku chedu cha kaavui, ni mundu wa ifwa.”

RUTHU 3:13

Wesera ndoe iele; kesho dichakotia ngera ucharumiria kukuwusa; ukarumiria ni nicha, ela iji walegha kukuwusa, naghema kwa Mlungu uko moyo, ini nichakuwusa. Oho lala hata ndoe iele.”

RUTHU 3:9

Ukakotia “Nani oho?” Ukatumbulia, “Ni ini Ruthu; nakulomba kunifinikire nguwo, kwa kukaia ni oho mundu odu wa ifwa.”