NEHEMIA 13:16 - Biblia Ilagho Jiboie Kwa Wandu Wose

¹⁶ Wandu wa Tiro wokoni awa werekoghe wikikaia Jerusalemu wereredieghe samaki na vilambo vizima va kula mbari na kuviuzira wandu wa Juda na Jerusalemu ituku ja Sabato.

NEHEMIA 13:16 Σταυροειδείς Αναφορές

NEHEMIA 13:15

Matuku ghaja nerewonieghe wandu andenyi ya Juda wikikama zabibu ituku ja Sabato; wikareda kitungu cha viro na kuvidukishira weke punda, na divei, zabibu, tini na misigo ya kula mbari wikaireda Jerusalemu ituku ja Sabato ngawikania wandu wiseuzeghe vindo ituku ijo.

NEHEMIA 13:17

Niko ngarashana na vilongozi va Wayahudi ngawizera, “Ni wuwiwiki ughu m'bonyagha ghwa kuilusha Sabato?

KUFUMA 20:10

ela ituku ja mfungade ni Sabato kwa BWANA Mlungu wako. Ituku ijo, kusakebonya kazi ingi; oho, angu mwana wako wa womi, angu mwana wako wa waka, angu mzumba wako wa womi hata wa waka, mfugho rako, angu mghenyi uko andenyi ya mbenge rako.

KUFUMA 23:12

“Kubonye kazi kwa matuku arandadu, ela ituku ja mfungade kusebonye kazi ingi, eri mzumba na mghenyi ukudumikiagha, hata na nyamandu rako wori ripate kuhora.

WUKUMBUSO 5:14

ela ituku ja mfungade, ni Sabato kwa wundu ghwa ini BWANA Mlungu wako. Ituku ijo kusebonye kazi ingi; oho, hata mwana wako wa womi angu wa waka hata mdumiki wako wa womi angu wa waka, hata ng'ombe yako hata punda wako, hata ingi ya mfugho rako, hata mghenyi ungi uko andenyi ya mbenge rako; eri mdumiki wako wa womi angu wa waka upate kuhora sakumoni.