MIKA 6:5 - Biblia Ilagho Jiboie Kwa Wandu Wose

⁵ Ririkanyenyi ee wandu wapo, seji Balaki mzuri wa Moabu orem'bonyereghe mpango, na seji Baalamu mwana wa Beori oremtumbulieghe. Ririkanyenyi seji maza rerebonyekieghe kufuma Shitimu hata Gilgali; mpate kumanya kukaia nedebonya huwo nipate kumkira.”

MIKA 6:5 Σταυροειδείς Αναφορές

MITALO 25:1

Nao iji wandu wa Israeli werekoghe wikikaia Shitimu, wandu wikazoya kulaka aja Moabu.

WATANYI 5:11

Sikirenyi chwaka ra wabori viriwenyi, wikiwunjiriana malagho gha ugho wusimi ghwa BWANA; ugho wusimi ghwa wandu wake andenyi ya Israeli. “Niko wandu wa BWANA wikasea cha mbengenyi kwawo.

JOSHUA 4:19

Wandu wikaruwuka Jordani ituku ja ikumi ja mori ghwa imbiri wikadunga kambi Gilgali, cha mashariki ya Jeriko.

WUFUNUO 2:14

Ela neko na malagho matini aighu yako: kokwanye na wandu wamu aho wawuyanugha mafundisho gha Balaamu uo oremfundishireghe Balaki kuwikuwara wandu wa Israeli, eri wipate kuja vindo vifunyiro kizongona kwa milimu, na kukuzaisira kulaka.

JUDA 1:11

Ni bugha kwawo! Angu wadanugha iyo chia Kaini oreinughieghe, na kwa wundu ghwa fwaida, wakulekera weni winughe ikosa ja Balaamu, na kutota seji Kora oreleghieghe, ukatota.

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.

2 PETRO 2:15

Walagharie kwa kusigha chia ya loli; nawo wanughie chia ya Balaamu mwana wa Beori, uo orekundieghe fwaida kwa kubonya kiwiwi;

ZABURI 143:11

Kunilindie kwa wundu ghwa irina jako ee BWANA. Kunifunye wasinyi kwa hachi yako.

WUKUMBUSO 16:3

Msakeijanya na mikate ingirilo chachu. Mchaijanya na mikate isengirilo chachu iyo mikate ya matiriro kwa matuku mfungade; angu morefumieghe Misri kwa shwa-shwa, eri mkumbukeghe seji morefumieghe Misri, matuku ghose gha irangi jenyu.

WUKUMBUSO 9:7

“Jingi mseliwe seji morem'bonyereghe BWANA Mlungu onyu ukakaia na machu kireti. Kufuma ituku mfumie isanga ja Misri hata kuvika aha, modeeka mkilegha kumsikira BWANA.

WUKUMBUSO 8:18

Mumkumbuke BWANA Mlungu onyu; angu uo nuo umnekagha ndighi reshama eri mpate kujikatisha ilaghano jake seji orewilaghirieghe weke ndeyo.

WAEFESO 2:11

Kwa huwu, kumbukenyi inyo morekoghe wandu wa mbari zima kimumbi, mkiwangwa wandu wiseshamishiro ni awo wiwangwagha wandu wishamishiro; uko kushamishwa kwa mumbi kubonyero kwa mikonu,

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

MITALO 31:16

Nechi niwo weni werewishekerieghe wandu wa Israeli wikabonya mikalo imbiri ya BWANA, kwa kulongozwa ni Balaamu aja Peori, na saka ya ngawawi ikawichea izungu ja BWANA.

MITALO 31:8

Wikawibwagha wazuri wa Midiani chiaimweri na wandu; Evi, Rekemu, Suri, Huri, na Reba, wazuri wasanu. Wokoni wikam'bwagha Balaamu mwana wa Beori.

MITALO 23:27

Niko Balaki ukamzera Balaamu, “Choo idana nikughenje andu kuzima, kewada Mlungu wadima kurumiria kuniwasirie awandu njowe kufuma aho.”

MITALO 22:41

Nao nakesho yaro, Balaki ukamdwa Balaamu ukamreda aighu ya Bamothi-baali; na kufuma aho ukawiwona wandu wamu wa Israeli kutini, awo werekoghe kaavui.

ZABURI 111:4

BWANA wabonya kazi rake ra mashiniko rikumbuko; wachua mvono na wughoma.

ZABURI 71:19

Hachi yako ee Mlungu, yavika koighu mawingunyi. Nani uko sa oho ee Mlungu, kubonyere malagho mabaa huwu?

ZABURI 36:10

Dua kukiwikunda na lukundo lukatie awo wikumanyagha oho, na kuwikira awo wiko na ngolo ndicha.

1 SAMUELI 12:7

Idana kaienyi kimusi nishuhudie imbiri ya BWANA aighu ya mabonyo ghose ghemkira agho BWANA orebonyereghe kwa wundu ghonyu na kwa wundu ghwa weke ndeyo.

MITALO 33:49

Weredungieghe kambi kaavui na Jordani kufuma Beth-Jeshimothi hata kuvika Abel-shitimu kirindinyi cha Moabu.

JOSHUA 2:1

Niko Joshua mwana wa Nuni ukaduma washeki wawi kufuma kambi ya Shitimu, kuzighana isanga ja Kanaani kwa kiviso, na kuchumba, ugho muzi ghwa Jeriko. Wikangia muzi ghwa Jeriko, wikalala nyumbenyi kwa ilaya jimu jiwangwagha Rahabu.

JOSHUA 3:1

Nao kokesho kio, Joshua ukawuka kufuma Shitimu, chiaimweri na wandu wose wa Israeli, wikaghenda cha Jordani; wikakaia aho wikiwesera kuruwuka.

WATANYI 11:25

Da oho koko mucha kuchumba Balaki mwana wa Sipori mzuri wa Moabu? Jingi warashane na Israeli, angu jingi walue nawo?

ISAYA 1:27

Jerusalemu ichakombolwa kwa hachi, na awo wose wiheagha andenyi yaro wichakombolwa ni BWANA loli.

MITALO 25:2

Na awo wai wikazoya kuwikaribisha awo wandu vizongona va milimu yawo, nawo wikaja na kuighoghomia iyo milimu.

WUKUMBUSO 23:6

Jingi kuselole sere nawo hata kuwilolia mecha ghangi irangi jenyu jose.