MIKA 1:13 - Biblia Ilagho Jiboie Kwa Wandu Wose

¹³ Inyo wandu mkaiagha Lakishi, funganyenyi farasi na magare. Mwasungie kaung'a ra Israeli, mkashekeria wandu wa Jerusalemu wibonye kaung'a.

MIKA 1:13 Σταυροειδείς Αναφορές

2 WAZURI 18:17

Nao mzuri wa Ashuru ukaduma wabaa wa ighu wadadu kufuma Lakishi chiaimweri na ijeshi ibaa, wiche kwa Hezekia aja Jerusalemu. Wiendajoka na kuvika Jerusalemu, wikakaia kimusi aja mkuonyi ghufumagha ndiwenyi ya nalughu, aho chienyi mbaa ya dobi.

2 MALAGHO GHA NGELO 32:9

Nyuma ya agho Senakeribu mzuri wa Ashuru, na majeshi ghake ghose, werekoghe wikighurughaia Lakishi; ukaduma wadumiki wake Jerusalemu kwa Hezekia mzuri wa Juda, na wandu wose wa Juda werekoghe aho ukighamba,

JOSHUA 10:3

Kwa huwo Adonisedeki mzuri wa Jerusalemu, ukaduma kwa Hohamu mzuri wa Hebroni, na Piramu mzuri wa Jarmuthi, na Jafia mzuri wa Lakishi, na Debiri mzuri wa Egloni ukighamba,

WUFUNUO 2:20

Ela neko na ilagho na kumoni; kwaduanyagha na uo muka Jezebeli, uo ukuwangagha moni mlodi, nao waawuyafundisha na kuwikalia wadumiki wapo wikuzaisire kulaka, na kuja vindo vifunyiro kizongona kwa milimu.

WUFUNUO 2:14

Ela neko na malagho matini aighu yako: kokwanye na wandu wamu aho wawuyanugha mafundisho gha Balaamu uo oremfundishireghe Balaki kuwikuwara wandu wa Israeli, eri wipate kuja vindo vifunyiro kizongona kwa milimu, na kukuzaisira kulaka.

MIKA 1:5

Agha ghose ghaawuyacha angu wandu wa Israeli wibonyere kaung'a, na kumlegha Mlungu. Nani uko mkosa ima Israeli kaleghagha Mlungu? Welee, si Samaria cheni? Nani uko mkosi otasa milimu andenyi ya Juda? Welee, si Jerusalemu cheni?

EZEKIELI 23:11

“Mruna Oholiba orewonieghe agho ghose; ela sena ukanoneka kuchumba, ukabonya wumalaya kuchumba ghuja ghwa mruna.

JEREMIA 4:29

Kwa kusikira tiri ra wandu wa farasi, na ra wandu wa ndana, kula mundu uko mzinyi uchakimbia cha isakenyi, wamu wichajoka cha maghambenyi; na mizi yose ichasighwa miduu, na mndungi ndechaasigharika ukikaia andenyi yaro anduangi.

JEREMIA 3:8

Juda wawonie putu kukaia, namnekie Israeli barua etana nao kwa wundu ghwa wulaki ghwake, ela nao moni kwa kusowa wuloli ukalemwa ni kuobua; ukafuma na kubonya wumalaya.

ISAYA 37:8

M'baa wa Waashuru ukasikira kukaia mzuri wafuma Lakishi kwendalwa na muzi ghuko kaavui ghwa Libna; ukaghenda kumlomba njama.

ISAYA 10:31

Wandu wa Madmena waawuyakimbia, na awo wikaiagha Gebimu wiakimbia wikilola wulindiri.

2 MALAGHO GHA NGELO 11:9

Adoraimu, Lakishi, Azeka,

2 WAZURI 8:18

Ukalowua mwai wa Ahabu, na kwa wundu ugho ukabonya mawiwi imbiri ya BWANA kwa kunugha mighendo ya wazuri wa Israeli, karakara na Ahabu.

1 WAZURI 16:31

Nderekatoghe ni uko kunugha kaung'a ra Jeroboamu mwana wa Nebati; ukachuria, ukamlowua Jezebeli mwai wa Mzuri Ethbaali wa Sidoni; ukatasa Baali.

1 WAZURI 14:16

BWANA uchaisigha Israeli putu kwa wundu ghwa kaung'a ribonyero ni Jeroboamu, na kuwishekeria wandu wa Israeli wibonye kaung'a.”

JOSHUA 15:39

Lakishi, Bozkathi, Egloni,

KUFUMA 32:21

Musa ukamzera Haruni, “Awandu wakubonyera kii hata kukareda kaung'a ihi mbaa aighu yawo?”

KUZOYA 19:17

Iji wameria kumfunya shighadi wikamzera, “Kimbienyi mkire marangi ghenyu, msezighane na nyuma, hata msemange andu kungi vololonyi; kimbirienyi mghondinyi msechetota.”

1 WAZURI 4:28

Wokoni wikareda shairi na matasa andu rerekundikieghe ra magare na farasi zima wori.

2 WAZURI 14:19

Korekoghe na sheshe Jerusalemu rem'bwagha Amazia, nao ukakimbiria muzi ghwa Lakishi, ela sena wamaiza wake wikamnugha aho na kum'bwagha.

ISAYA 36:2

Mzuri wa Waashuru ukamduma Rabshake kufuma Lakishi kwa Mzuri Hezekia aho Jerusalemu, na ijeshi ibaa. Ukacha na kubonya kambi aho mkuonyi ghwa iyo ndiwa iko chienyi mbaa eghenda Mbuwa ya Dobi.

AYUBU 39:10

Kwadima kuifunganya na ighembe ikulimie? Kwadima kuibonya ibubule mbuwa?

JEREMIA 34:7

iji ijeshi ja mzuri wa Babuloni jerekoghe jikilwa na Jerusalemu, na mizi yose ya Juda, iyo eresigharikieghe, nayo ni Lakishi na Azeka, angu iyo niyo mizi ya Juda iaghilo wurigha eresigharikieghe.